مصطفى شوبير: “مباراة نيجيريا كانت نقطة التحول في مستقبلي”

كشف مصطفى شوبير، حارس مرمى منتخب مصر، كواليس رحلته نحو حجز مكانه في التشكيل الأساسي لـ"الفراعنة"، مؤكدًا أن مشاركته أمام نيجيريا في مباراة تحديد المركزين الثالث والرابع ببطولة كأس الأمم الأفريقية كانت نقطة تحول كبيرة في مشواره الدولي.

وقال شوبير: "فكرة إني لعبت ماتش نيجيريا على المركز الثالث والرابع في أمم أفريقيا كانت مؤشر كبير بالنسبة لي إني ممكن أبقى الحارس الأساسي لمنتخب مصر، واللي زود إحساسي بكده إننا لما رجعنا النادي بدأنا نلعب بنظام الروتيشن ماتش وماتش، وحسيت إن فرصي بتزيد."

وأضاف: "لما روحت معسكر شهر مارس ولقيت نفسي أساسي ضد السعودية وإسبانيا، قولت بنسبة كبيرة ممكن أبقى أنا الحارس الأساسي للمنتخب."

وتحدث حارس الأهلي عن فترة تراجع مستواه، قائلًا: "لما رجعت النادي كان فيه سوء توفيق رهيب في ماتش سيراميكا، وقعدت أقول لنفسي: هل أنا شغلت بالي بموضوع المنتخب؟ وقعدت أتخانق مع نفسي شوية حلوين وأفكر في اللي حصل."

وأوضح شوبير أنه تعامل مع تلك المرحلة بهدوء، مضيفًا: "في الأول والآخر إنت بني آدم وسوء التوفيق ده طبيعي، وممكن تكون ثقة زايدة، وأنا معايا حد شغال معاه وهو الدكتور أحمد أبو الوفا، دايمًا بنقعد ونتكلم ونحلل، لكن في النهاية طبيعي إن أي بني آدم يبقى عنده صعود وهبوط."

واختتم تصريحاته بالتأكيد على استعادة مستواه وثقته، قائلاً: "الحمد لله بعد كده في ماتش الزمالك وإنبي والمصري كنت تمام، وبعدها لعبت أمام روسيا والبرازيل، وحسيت إن خلاص أنا الحارس الأساسي إن شاء الله."

ويعد مصطفى شوبير أحد أبرز العناصر التي فرضت نفسها بقوة في صفوف منتخب مصر خلال الفترة الأخيرة، بعدما قدم مستويات لافتة عززت من فرصه في تثبيت أقدامه كالحارس الأول للفراعنة.