وزير النقل: لا تصرف القروض على أي طريق

كشف الفريق كامل الوزير، وزير النقل، عن خطة الوزارة لتطوير النقل والطرق، قائلا:" تكلفتها 2 تريليون جنيه عام 2019، والطرق تكلفتها 530 مليار جنيه، والسكة الحديد 225 مليار، هيئة الأنفاق 1100 مليار جنيه، والموانئ 15 مليارًا، والنقل النهرى 4 مليارات، والنقل البحرى 130 مليار".

كامل الوزير: مصروفات السكة الحديد 12 مليار جنيه

كامل الوزير: الوزراء لا يسعون للسلطة أو الجاه أو المكسب المادي

وقال الوزير خلال تصريحاته ببرنامج “الحكاية”، المذاع عبر فضائية “mbc مصر”، إن خطة وزارة النقل فى المشروعات القومية تصل إلى 3.6 تريليون جنيه حتى عام 2030، مضيفا:"لا نصرف قروض على أي طريق، ومن يثبت أننا بناخذ قرض نعمل منه طريق، وهنرجع الفلوس".

وواصل الوزير أن قيمة تحريك أسعار تذاكر المترو والقطارات ليست بالكبيرة، قائلا: “أعتقد أن الـ 2 جنيه الزيادة في تذكرة المترو، مش كتير، وإن كنت زي كل المصريين وعندي أخواتي وأهلي وبيروحوا المدارس والجامعات والمستشفيات مش عايزين يدفعوا الـ 8 جنيهات، ولكن نسبة الزيادة الـ 2 جنيه مش الزيادة الكبيرة اللي تقلق الناس”.

ورد وزير النقل على التساؤل حول التحديات التي تواجه الأسر المصرية كبيرة العدد أمام زيادة تذاكر المترو، قائلا: “عندي مخرج، اعمل اشتراك، الناس اللي بتسافر كل يوم وبتركب المترو، سواء طالب أو موظف رايح شغله، اعمل اشتراك بـ 50%”.

وأوضح أن الراكب سيتحمل 5 جنيهات للتذكرة فئة الـ 10 جنيهات، و6 جنيهات للتذكرة فئة الـ 12 جنيها، مشددا على أن الهدف ليس الجباية أو محاولة الضغط على الناس، قائلا:"احنا  كدولة بنراعي هذا الكلام، هو إحنا جايين علشان زي ما الناس بتقول لك: جايين بس علشان جباية أو علشان نجزر في الناس! أبدًا، أنا جاي أقدم خدمة، حضرتك عايز مني خدمة نظيفة وموقوتة ومؤمنة فساعدني أقدم لك هذه الخدمة".

وانتقد ظاهرة رشق القطارات بالحجارة التي تؤدي لتلف الزجاج، وعمليات تخريب الكراسي، قائلا: “الأولاد اللي بيحدفوا القطارات بالطوب، والراجل اللي بيركب ومعاه موس وبيشرط الكرسي، ظاهرة مصرية غريبة، مش الزجاج ده مش بفلوس؟ وأنا لما احتاج أشتريه مش هحمله على التذكرة؟! ساعدوني”.