"أي حاجة بقولها قابلة للشتيمة".. أول تعليق من عمرو أديب على طلاقه لـ لميس الحديدي
كسر الإعلامي عمرو أديب صمته لأول مرة ليرد على حملة الهجوم العنيف الذي تعرض لها مؤخرًا عقب إعلان طلاقه من زوجته الإعلامية لميس الحديدي، وذلك على هامش حضوره حفل Joy Awards في الرياض خلال لقائه مع المذيعة إنجي علي.
أول تعليق من عمرو أديب على طلاقه من لميس الحديدي
وجهت إنجي علي سؤالًا لعمرو أديب للكشف عن رأيه فيمن يتطفل على الحياة الشخصية للمشاهير، حيث قالت: "هسألك سؤال في شوية نميمة في الفترة الأخيرة سمعنا كلام رايح جاي فكنت عايزة اعرف رأيك في الناس اللي بتتدخل في الأمور الشخصية وبين أي زوجين حصل بينهم انفصال أو محصلش؟".
ورد عمرو أديب قائلًا: “دلوقتي أنت كل إلي ليك عندي شغلي بره كل ده ملكش دعوة بيا خالص، أنا تحت أمرك في شغلي، ركز على شغلي، ممكن تنتقد أن شكلي وحش، بشجع الزمالك، معنديش شعر، غير كده حياتي تخصني زي أي بنى آدم. أي حاجة بأقولها في البرنامج هي قابلة للنقد والشتيمة والتجريح، إنما حياتي أنت ملكش دعوة بيها".
وأضاف: “إنما بره شغلي أنت عايز مني أيه وده يفيدك في أيه"، وأكمل حديثه منتقدًا هوس السوشيال ميديا والترند: «"اللى عايز مننا حاجة يركز على شغلنا، ده لا علاقة له بالترند... بقى عندنا لعنة العداد بتاع كام اللايك وكام شير، ماهو اللي بيكتب ده هيخليك تقرا كلامه ازاي لا هو مفكر ولا فيلسوف ولا مثقف".
