آخر مستجدات مفاوضات الزمالك لضم حامد حمدان

كشف الإعلامي كريم حسن شحاتة، عبر قناة الحياة، عن آخر تطورات مفاوضات نادي الزمالك لضم حامد حمدان، مهاجم فريق بتروجيت، خلال الساعات الأخيرة من سوق الانتقالات الصيفية.

وأكد شحاتة أن إدارة الزمالك أجرت مكالمة مباشرة اليوم مع إدارة بتروجيت، وقدمت عرضًا رسميًا بقيمة 30 مليون جنيه للحصول على خدمات اللاعب، مشيرًا إلى أن القلعة البيضاء تنتظر الرد النهائي في أقرب وقت ممكن، نظرًا لضيق الوقت واقتراب غلق باب القيد.

وأضاف: "كل الزملكاوية مستنيين يعرفوا موقف النادي من صفقة حامد حمدان، وكل ما حد بيقابلني بيسألني: هو الزمالك عمل إيه مع حامد حمدان؟ واللي عرفته إن الرد لازم يوصل بدري الصبح عشان الصفقة تخلص في الوقت المحدد".

وتحدث شحاتة عن موقف اللاعب مع ناديه الحالي، قائلاً: "حامد حمدان غايب عن تدريبات بتروجيت من حوالي 20 أو 25 يوم، وده غلط حتى لو عنده رغبة في الانتقال للزمالك، لأنه محتاج وقت يجهز بدنيًا، خصوصًا إنه قاعد في البيت ومش بيتدرب مع الفريق، حتى لو يؤدي تدريبات فردية".