"جايبة 40% وبتعيطي؟".. ياسمين عز توجه رسالة صارمة لطالبات الثانوية العامة
في أول ظهور لها عقب ظهور نتيجة الثانوية العامة وجهت الإعلامية ياسمين عز، رسالة لـ طالبات الثانوية العامة تنصحهم بعدم البكاء على النتيجة أيًا كان المجموع ، قائلة إن السيدات لا يبكين غير على وفاة أزوجهن، وليس لمجرد الحصول على مجموع صغير.
ياسمين عز: البنت هنا ما بتعيطش غير لما جوزها يتوفى
وقالت عز من خلال برنامجها الشهير: لكل واحدة جابت كحك بتعيطي ليه يا حبيبتي جوزك مات؟ عندنا البنت هنا ما بتعيطش غير لما جوزها يتوفى، واللي بيعيط اللي كان نفسه في طب ووقف معاه على نص درجة، إنما أنتي جايبة40% وبتعيطي؟ ".
وتابعت:" ده مجموع يدخلك السجن أو يرجعك ابتدائي، ومجموع ميدخلكيش المطبخ فامتعيطيش ودوري على عريس صغير، ولو فاتك مجموع الثانوية الحقي نسقي الخطوبة ولون الفستان، وغني أغنية عمرو دياب بتاع خطفوني غيريها وقولي خطبوني عنيه خطبوني وشغلي قانون الجذب".
نتيجة الثانوية العامة
وكان قد اعتمد السيد محمد عبد اللطيف، وزير التربية والتعليم والتعليم الفني، اليوم الثلاثاء، نتيجة الدور الأول لطلاب شهادة إتمام الثانوية العامة للعام الدراسي 2024/ 2025 بنسبة نجاح النظام الجديد 79.2%، والنظام القديم 72.7%.
