داليا فرج ترفض وصفها بـ طليقة المخرج سامح عبد العزيز

طالبت الفنانة داليا فرج، طليقة المخرج الراحل سامح عبد العزيز وأم بناته، من جمهورها عدم إطلاق عليها لقب " طليقته" مشيرة إلى أن ما بينهما أكبر بكثير .

ونشرت عبر صفحتها الرسمية على فيسبوك قائلة :" ما حدش يقول طليقته و لا مطلقين ...اللى بينا أقوى من اى ورقة ولا كلمة ...سامح لما كان يعرفني على ناس يقول الاكس مرة كده من تحت الضرس و الباقى يقول داليا مراتى ..واخر حاجة قالها للمرض و هو بيقولى استأذنك اغير له ...قاله دى مراتى يا حمااار ...ما حدش يقول كده ...ما حدش يقول كده وااانبى".

وكانت قد عبر الفنانة داليا عن حزنها لوفاته، متمنية أن يكون خبر رحيله مجرد كابوس وليس حقيقة، وذلك عبر منشور على صفحتها الشخصية في موقع التواصل الاجتماعي "فيس بوك".

وكتبت داليا على صفحتها الشخصية قالة: "اللى بينا حاجة مافيش غيرنا فاهمها، فاهمين تفاصيل بعض، وبنفهم بعض من نظرة، نتخانق بقى نزعل نحلف ما انكلم بعض تانى تقريبا ونص الصيام اللى بصومه رايح على الحلفان، وأول ما تكلمنى أنسى وأصالحك على طول عشان عارفة إن قلبك طيب، بيبى كبير وضخم وعشان اللى جوانا بتاعنا إحنا وبس".

وتابعت: "مش حاجة ممكن تفهموها أو تسموها، لينا تأثير قوى على بعض وفيه حته جوة كل واحد فينا للتانى خاصة ومختلفة، عشرة عمرى حبيبي أبو بناتي، رغم انك مشيت بس اللى مريحنى إن آخر 20 يوم كنا مع بعض كلنا على طول".

وأختتمت حديثها قائلة: "يا رب ما اكونش قصرت فى حقك، هتوحشنى أوى يا حبيبى يا غالى زى ما كنت بأقولك دايما انت الغالى وترد حبيبتى، مش مصدقة إنى باقولها.. ربنا يرحمك يا حبيبى ويسكنك فسيح جناته ويقدرني على المسئولية، نفسى أنام وأصحى ألاقى ده كابوس و مش حقيقى، بدرى أوى أوى يا حبيبى، لا إله إلا الله.. هتوحشنى يا موحه".