في ظهور مؤلم.. إبراهيم سعيد يروي تفاصيل أزمته القانونية ويؤكد: "بناتي شهدوا ضدي"

 في أول ظهور له عقب الإفراج عنه من قسم شرطة النزهة على خلفية قضية نفقة، ظهر نجم الزمالك والأهلي السابق إبراهيم سعيد باكيًا في مقطع فيديو نشره عبر صفحته الرسمية بموقع التواصل الاجتماعى فيس بوك يوضح من خلاله تفاصيل أزمته مع طليقته وبناته.

 وأشار ابراهيم إلى أن بنتيه "جوليا ولي لي"، البالغتين من العمر 20 و21 عامًا، كانتا سببًا في سجنه، بعد أن شهدتا ضده في المحكمة، قائلًا: "أنا في ابتلاء.. بس عندي سؤال لدار الإفتاء، إزاي أتعامل مع بناتي اللي حبسوني؟ اللي من دمي! ده أنا اللي مطلّعلهم البطاقة، شهدوا ضدي في المحكمة، وجابوا شهود زور قالوا إني عندي 7 فيلات ومرتب شهري 2 مليون جنيه!".

 وأضاف: "أنا لو معايا الفلوس دي، هسجن نفسي ليه؟ كنت سايب لهم فيلا وعربية وأغلى برندات، ومدارس من أفضل ما يكون، وعمري ما أذيتهم، كنت دايمًا بحبهم وبدلعهم، بس للأسف اتحرضوا من والدتهم عشان يسجنوني".

 وتابع باكيًا: "كانوا طالبين إني أبيع شقة والدتي وأرميها في الشارع علشان ياخدوا فلوسها أو أتحبس، لكن اخترت السجن على إني أظلم أمي، رغم إنها كانت هتوافق علشان أخرج، لكن أنا رفضت".

 واختتم إبراهيم مقطع الفيديو قائلًا: "الظلم وحش وربنا كبير، وكنت واثق إن الحق هيرجعلي، والحمد لله خرجت. بس أنا عاوز حقي من اللي شهدوا زور ضدي.. وربنا يهدي بناتي ويسامحهم، مش قادر أدعي عليهم، مفيش أب بيدعي على عياله".

سبب حبس إبراهيم سعيد:

 كانت محكمة أسرة النزهة، أصدرت حكمًا بحبس إبراهيم سعيد لمدة شهر، لامتناعه عن دفع مصروفات دراسية قدرها 227 ألف جنيه لابنته من طليقته الأولى، كما أقامت طليقته، ابتسام علاء، دعوى حبس ضده لتخلفه عن سداد مبلغ 90,750 جنيهًا، متجمد نفقة صغير، وبدل فرش وغطاء، عن مدة 15 شهرًا، بواقع 6,000 جنيه شهريًا كنفقة مأكل وملبس.