برلنتي فؤاد تنعي سامح عبد العزيز بكلمات مؤثرة.. "مات اللي كان حاسس بينا"
نعت الفنانه برلنتي فؤاد علي صفحتها الرسميه بموقع التواصل الاجتماعي فيسبوك المخرج الراحل سامح عبد العزيز الذي توفي بعد صراع مرير من المرض.
وفاة المخرج سامح عبد العزيز
وقالت الفنانه برلنتي فؤاد: "مات اللي كان حاسس بينا وعاوزانا نتشاف .. مات اللي كان مؤمن بموهبتنا ودايمًا بيشجعنا من قلب… مات اللي كان بيختارنا لأعماله المهمة عشان نتشاف ونكبر وسط الناس
اللي فضل يآمن بيا وبقدرتي ويديني فرص حقيقية في شغل ليه اسمه وقيمته.
وتابعت: “اول مقابله من سنين كانت في نادي الطيران اول ماشافني انا واخويا قالي عيد ميلاد بنتي تعالوا انا عازمكم وسعتها كان بيصور مسلسل فيفا اطاطا للنجم محمد سعد وعازمني علي التصوير كنت وقتها لسه صغيره ، عرفته من أكتر من 15 سنه .. مرت الايام ورشحني هو والأستاذ حسام الشربيني في مسلسل خيانه عهد امام النجمه الكبيره يسرا وبعدها تولت الأعمال في أكتر من عمل معاه وليا الفخر اني اشتغلت في اعماله المهمه”.
وأردفت: “مش مجرد مخرج اشتغلت معاه، لكنه كان إنسان كبير بجد.. كان حبيب والدي الله يرحمه وكان بالنسبة لي أخ كبير .. كان دايمًا في ضهري، شايفني قبل ما الناس تشوفني”.
واستكملت: "وكان كل ما يشتغل في حاجة مهمة، يكلمني يقولي: "أنا شايفك في الدور ده" وأنا من كتر ثقتي فيه، عمري ما سألت هعمل إيه، كنت بدخل التصوير وأنا واثقة إن وجودي معاه خطوة لقدام".
كما اشارت لآخر عمل جمعهما قائلك: "جمعنا كان مسلسل "شهادة معاملة أطفال" للنجم محمد هنيدي رمضان ٢٠٢٥ كلمني وقتها وقاللي: "أستاذ حسام هيكلمك في شخصية" وفعلاً صورت على طول
لأن لما هو بيرشحني في حاجه هو واشتاذ حسام كنت عارفة إنه شايف حاجة مش أي حد بيشوفها".
وتابعت:"وبعد ما خلصت شغلي في المسلسل كلمني وقالي: "تعالي الفركش في مدينة الإنتاج الإعلامي تحتفلي مع أبطال العمل ما رحتش…ماكنتش أعرف إنه كان بيودعنا من بعيد. وبعدها باركلي على مسلسل جديد دخلته
وبعتلي على الواتس: "خلينا نشوفك قريب" ماكنتش عارفة إنه كان بيودعني للمرة التانية".
واختتمت حديثها: "هو الأستاذ والمخرج الكبير سامح عبد العزيز .. كان إنسان حقيقي… أخ كبير…
كان بيشوف اللي جوانا قبل ما إحنا نشوفه، وكان سبب في إن ناس كتير تتشاف وتبدأ وتلمع .. ربنا يرحمه ويجازيه خير على كل لحظة آمن فيها بينا… ويسامحه على وجع الفقد اللي سابه جوانا".