شنطة سفر.. ملك زاهر تدخل عالم التأليف والإخراج لأول مرة بمشروع التخرج

كشفت الفنانة الشابة ملك أحمد زاهر عن أولى تجاربها الفنية لها في مجال التأليف والإخراج، من خلال مشروع تخرجها، والذي يحمل عنوان "شنطة سفر" بطولة الفنان الشاب مصطفى عماد.

ونشرت ملك مقطع فيديو لمشروع تخرجها عبر حسابها الرسمي بموقع تبادل الصور والفيديوهات الأشهر "انستجرام"، وكتبت: "فخورة وسعيدة وأنا بقدملكم أول تجربة تأليف وإخراج ليا مشروع تخرجنا "شنطة سفر"، اللي تعبنا وسهرنا ومانمناش بالايام عشان يطلع بالشكل ده".

وأضافت: "فخورة بنفسي وبكل فريقي اللي تعبو معايا تعب مش عادي انتو أحلى فريق عمل ممكن اي حد يشتغل معاه فخورة بكل واحد فيكو و بحبكو أوي".

وأرفقت مع منشورها فريق العمل القائم على الفيلم كالتالي: “ تأليف وإخراج: ملك أحمد زاهر، فكرة أميرة هشام، سيناريو وحوار مريم طارق - ملك احمد زاهر، مدير تصوير جمال المغربي، كاميرا ومان ندي الهيثم، منتج منفذ ليلى أحمد زاهر، مخرج منفذ جنا مشتهي-سلمى العراقي، موسيقى تصويرية عبد الرحمن حسام أحمد حسام، بطولة النجم الصاعد مصطفى عماد”.

ملك زاهر تتعرض لوعكة صحية

وكانت قد تعرضت الإن الكبرى للفنان أحمد زاهر لوعكة صحية مفاجئة انتقلت على إثرها للمستشفى لتلقي الرعاية الطبية، مشيرة إلى أن الأطباء لم يتمكنوا من تحديد مرضها بشكل دقيق.

ونشرت ملك أحمد زاهر صورة من داخل المستشفى عبر ستوري حسابها الشخصي بموقع تبادل الصور والفيديوهات "انستجرام"، وأرفقتها بتعليق : "أنا عمري ما كنت بنزّل غير الحاجات اللذيذة أو الهزار أو أي حاجة إيجابية من الآخر ولما كنت بحب أنزل حاجة سلبية كنت باخدها بهزار وبنزلها close friends وبهزر بيني وبين صحابي".

وأضافت: "بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة واحنا مش عايشين وايه كل إللى انتوا فيه وحاسة أن في ناس بصة على أتفه الحاجات إللى ممكن تكون عندي اللي بتبسطني زي مثلا اني انزل اروح الجيم أو اخرج مع صحابي أو يكون شكلي حلو انا رايحة ايفينت معين".

وأردفت: "حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي انا فيه ده ونفسيتي وحشة اوي انا بحكي الكلام ده عشان تعرفوا بس أن حياتي فيها الحلو والوحش والله زي أي حد بس أنا بحب دايمًا أشيّر الحلو بس وغالبا ده غلط فقررت أشارككم كمان الوحش".

واستكملت ملك: “ومع أن اللي بيحصلي دلوقتي انا بحمد ربنا عليه وعارفة إنه بإذن الله ها يكون حاجة بسيطة وإن شاء الله هاخف وكله هيكون تمام بس هو مخلي نفسيتي وحشة أوي حقيقي كل إللى طالباه انكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته ووادعولي أخف بسرعة شكرا”.

واختتمت ملك زاهر منشورها بقولها: "والهدف من الإستوري دي مش أن أي حد يقلق لأن الحمد الله أنا كويسة وإن شاء الله إللى عندي ده ليه حل وانا تمام مافيش حاجة مقلقة انا بس حسيت اني محتاجة أشارك الوحش زي ما بشارك الحلو مش أكتر".