تامر عاشور يكشف كواليس صلحه مع الملحن عمرو مصطفى (فيديو)
كشف المطرب تامر عاشور، عن تطور علاقته بالملحن عمرو مصطفى خاصة بعد تعرضه لوعكة صحية ألمت به وخضوعه لجراحة لاستئصال ورم، قائلا: "كان فى شوية شد وزعل بيننا واتصالحت معاه واضحكنا وهزرنا الحمد لله".
وأضاف تامر عاشور خلال استضافته فى برنامج "صاحبة السعادة" الذى تقدمه الفنانة والإعلامية إسعاد يونس على شاشة dmc، أنه بعد اللى حصل مع عمرو اتعلمت إن مافيش حاجة تستاهل خاصة لما بنلاقى حد نعرفه تعب، ومش مستاهلة خالص المناوشات وندب فى بعض مهما كان مين الغلطان، ولو الموقف اتعكس معايا هلاقيه يزورنى".
الشعب المصرى بيقيم الأغاني والفنانين بزيادة
ولفت تامر عاشور إلى أن الشعب المصرى بيقيم الأغانى والفنانين بزيادة وده علشان عندنا فى كل ركن فنان وموهوبين، وفى الشوارع ممكن تلاقى حد ماشى وصوته حلو، وهو شعب معلم فى السمع وصعب تعدى عليه حاجة وحشة".
وتألق النجم تامر عاشور مؤخرًا من خلال حفل فى الشيخ زايد من تنظم شركة "تذكرتي" فى إطار جهودها المستمرة لتنشيط الحركة الفنية، وتقديم عروض ترفيهية راقية بمستوى عالمى فى مختلف المحافظات المصرية، وذلك ضمن فعاليات مشروع "ليالى مصر" الثقافي.
كشف المطرب تامر عاشور، أنه أهدى أغنية "خلينى فى حضنك يا حبيبي" لزوجته الإعلامية نانسى نور، قائلا :"الأغنية دى فى الألبوم"، والناس بترقص عليها، لافتا إلى أن أغنية "بنت أبويا" نجحت بشكل كبير لأن محدش كمل زيها قبل كده.
وعن علاقته بزوجته نانسى نور، قال تامر عاشور خلال استضافته فى برنامج "صاحبة السعادة" الذى تقدمه الفنانة والإعلامية إسعاد يونس على شاشة dmc، نانسى فيها ميزة حلوة أنها سهلة ومعندهاش تكليف فى الكلام وهى ست بسيطة، واحنا خلصنا الفرح وسافرنا وحسيت أنها منى وانى أعرفها من فترة كبيرة".
لينة فى التعامل وسهلة فى التفاهم
ولفت تامر عاشور إلى أن زوجته نانسى نور لينة فى التعامل وسهلة فى التفاهم، وبتوفرلى الوقت اللى أقعده مع صحابى وأهلى، وربنا يخليهالى، وانا رجل شرقى بحت، ومواعيدها مظبوطة، وآخر ميعاد ليها فى دخول البيت الساعة 12 بالليل.
وتابع: " زوجتي بتغير عليا من الستات وبتشعنن، ولو حصل موقف متهور من الستات مثل التلامس مثلا هى بتدايق، ومبتطبخش ونفسها تطبخ لأن عندى طباخ، وهى متميزة فى عمل “الفتوش”.