روشتة للأباء والأمهات لمواجهة المشاكل الزوجية والطلاق.. فيديو
وجه الدكتور إيهاب عيد، أستاذ الطب السلوكي، نصيحة مهمة للأباء والأمهات الذين يمرون بمشاكل زوجية قد تؤدي إلى الطلاق، مؤكدًا أن الوضع النفسي للأطفال يجب أن يكون أولوية بالنسبة لهم في هذا الوقت، قائلًا: "أنا أحب أقول حاجة دينية، كثير من البيوت اللي حصل فيها طلاق، الشيطان كان له دور كبير فيها، الشيطان يفرح جدًا لما يهدم بيت ويبعد بين الزوجين، فالبيت اللي ما بيصلوش، ما فيش حاجة تلمهم، لكن لو أخدوا العيال وصلوا مع بعض في البيت، ولو حتى في رمضان، حاولوا تفتحوا صفحة جديدة، يمكن في لحظة واحدة ربنا يفتح قلوبكم ويرزقكم الصلح".
نصيحة مهمة للأباء والأمهات
وأضاف “عيد”، خلال حوار مع الإعلامية مروة شتلة، ببرنامج "البيت"، المذاع على قناة الناس، اليوم الثلاثاء، :"مهم جدًا في اللحظات دي إنكم تفكروا في ولادكم.. أولادكم مش مسؤوليتكم فقط، هم أمانة عندكم.. خلي بالك إنهم مش هيفهموا كل تفاصيل المشاكل اللي بينكم، لكنهم هيتأثروا بكل توتر وكل لحظة قلق.. حاولوا ما تعيشوهم في جو مشحون من التوتر لحد ما تتخذوا قراركم، مهما كان القرار".
وتابع: "أنا بقول ليكم: اهدوا، أعطوا الفرصة للصلح.. لو ربنا كاتب لكم تفرقوا، هيحصل، لكن العيال اللي عايشين في جو القلق ده مش مفروض يظلوا عايشين فيه، حاولوا تعيشوا مع بعض في جو هادئ، مستقر وصحي، الأطفال أمانة، وربنا يقدرنا على تحمل مسؤوليتهم".
