"الله يرحم الموبايل أبو كشاف".. ياسمين عز تهاجم مطالب الفتيات بعد الخطوبة

انتقدت الإعلامية ياسمين عز بعض المطالب التي يبالغ فيها البعض خلال فترة الخطوبة، وعلى رأسها اشتراط الحصول على هاتف "آيفون".

ياسمين عز تثير الجدل بنصائحها للزوجات في رمضان (فيديو)

أميرة عبيد: ياسمين عز تقدم إعلام المصاطب ورضوى الشربيني بتاكل عيش على حساب الرجالة

وعبرت ياسمين عز   خلال حلقة اليوم من برنامجها "كلام الناس" المذاع على قناة "إم بي سي مصر"، عن استغرابها قائلة: "إزاي أول ما تتخطبوا، تاني يوم الصبح، موبايلك يتعطل وتطلبوا من خطيبك يجيبلك موبايل 'التفاحة'؟"

 بقالك 3 سنين بتستلفي رصيد ولا بترجعيه

وأضافت ياسمين عز ساخرة: "الله يرحم الموبايل أبو كشاف، بقالك 3 سنين بتستلفي رصيد ولا بترجعيه، كأنك ناصبة على الشركة! والموبايل ده مش هيفرحك في الخطوبة، ده ممكن يخليك تتحولي من مخطوبة لِمنكوبة!".

وكانت الإعلامية ياسمين عز، وجهت  رسالة للأزواج بمناسبة عيد الحب، قائلة: “بالنسبة للمتزوجين في عيد الحب مفيش حاجة اسمها ورد، لغوا الورد منذ اختراع الذهب والألماس”.

وتابعت خلال تقديم برنامجها “كلام الناس”، المذاع عبر فضائية “إم بي سي”: “الورد الأحمر دا هدية تكميلية ملوش لازمة وبيجيب حساسية ويشفط الأكسجين من البيت، والدباديب هي مش في كي جي وان”، مردفة: “مفيش أحمر إلا تيشيرت الأهلي، وخليكي ناصحة يا اما أصفر أو أخضر وده مش ليمون أو خيار، احنا مش هنعمل سلطة هما الدولار والذهب”.
وأكملت: “تجيب لزوجتك بمناسبة عيد الحب كرسي جابر، أي عريس كان متقدم لها في البلد كان ناوي يشتريها بالذهب لكن هي اختارتك انت، طب هات كردان ذهب أو خاتم ألماس أو شيك على بياض، أو 10 آلاف دولار، الرجل الصح يخلي ايد مراته تشخلل ويلمع في ايدها ويزغلل عين اللي رايح واللي جاي، دي مراتك مش حماتك”.

وواصلت: “الورد ده تجيبي لوالدتك أيها الزوج، هي شقيانة وتعبانة وهتستحمل يا ما استحملت، اتوصي بمراتك دي مش حماتك”. وبالنسبة للزوجات، قالت: “اوعي يا مدام تجيبي هدية من فلوسك هات فيزة زوجك وهات هدية له”.