صابرين: مقلتش فيلم "لف ودوران" سبوبة وأحمد حلمي تبرئ من العمل
أكدت الفنانة صابرين، أنها لم تصرح قبل ذلك بأن مشاركتها في فيلم "لف ودوران" سبوبة، موضحة: "الفيلم كان بعد مسلسل أفرح القبة ولما عرض عليا كنت هعمل دور كوميدي وفيه تمثيل ولما حصل أنه اتصور في مدة قليلة واتشال أكتر المشاهد واتعلم بسرعة عشان كان هينزل في العيد وزعلت ساعتها".
وأضافت صابرين، خلال حوارها ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أنها لم تقل الفيلم سبوبة ولكن قالت فسحة، مضيفة: "اعتبرت أن الفيلم فسحة إذا كان أحمد حلمي نفسه طلع تبرئ من الفيلم وقال أوعدكم مش هعمل فيلم زي كده تاني ورغم كده الناس حبوه والناس بتحب احمد حلمي والفيلم مسلي عشان عيلة وكده".
وتابعت: "مواقفي من الأدوار الجرئية ممكن خلاتني مش موجودة لفترة من الزمن ويمكن هذا الموقف برضو اللي خلاني عملت مسلسل أم كلثوم واترشحت والناس صدقتني في أم كلثوم لأنها حالة لان محدش يفتكر لى مشاهدة معينة غير مناسبة".
صابرين لـ"حبر سري": منى زكى كلمتني أول واحدة عشان تأخذ رأي في تجسيدها أم كلثوم
كشفت الفنانة صابرين، عن اتصال النجمة منى زكى عليها لأخذ رأيها حول دورها لتجسيد كوكب الشرق في فيلم أم كلثوم، قائلة: "أول واحدة كلمتني منى زكى عشان تأخذ رأي في دور فيلم ام كلثوم واشتغلنا مع بعض زمان وفي مشوار بيننا"، مؤكدة أن أم كلثوم من حقها يتعمل لها عمل كل 25 سنة وهي الهرم الرابع لمصر.
وأوضحت صابرين، خلال حوارها ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أنه وقت ترشيحها لمسلسل أم كلثوم لم يكن هناك سوشيال ميديا ولكن كان هناك حرب دائرة في الصحافة، قائلة: "الصحافة كان في حرب في بعض عشان تساؤلات حول الدور وخناقة في الصحافة وأول ما قلوا صابرين محدش نطق".
واستكملت: "محدش نطق أول لما تم ترشيحي لدور أم كلثوم كأنهم هيقولوا خلاص العمل راح في داهية ومتعبوش نفسهم وحسيت بصمت رهيب ويحيى العلمي وممدوح طلبوني امضي على الدور وأول من اعتذروا لي بعد العر ض على قوة الأداء".
