مها أحمد: مجدي كامل سيدي وتاج راسي وجزمته فوق دماغي

 حلت الفنانة مها أحمد ضيفة في أحد البرامج الشهيرة، الذي كشفت خلاله العديد من الأسرار الفنية والشخصية، إضافة إلى علاقتها بزوجها مجدي كامل.

 عبّرت الفنانة مها أحمد عن حبها الشديد لزوجها الفنان مجدي كامل، قائلة: "ممكن أكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وأنا مبعرفش اتخانق، وساعات أكون متعصبة جدًا عليه لأني عصبية شوية ولما يخرج من الأوضة أقوله مجدي اعملي معاك شاي والموضوع يخلص، وهو استغرب ده في أول الجواز".

مها أحمد: مجدي بيحبني عشان حلوة وأمورة: 

 قالت مها أحمد، خلال استضافتها ببرنامج "أسرار"، مع الإعلامية أميرة بدر، المذاع على قناة النهار: "مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وأنا بتشقلب في البيت، وبيحبني كمان عشان شبه مامته، وست مكافحة وبيدلعني بيقولي يا وزة، وحياتنا كلها متخرجش بره، ولو هعيش معاه بـ1000 جنيه أو 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة، وأنا عمري ما اتخانت، وأنا ست كاملة متكاملة وقمر وبحب ادلع واتدلع، ومجدي طول عمرنا أول ما يرجع البيت بيناديني يا وزة وياخدني وأنا قصيرة كده في حضنه ويحط دماغي على صدره".

 برنامج “أسرار” تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عددًا من نجوم الفن والرياضة والسياسة في مصر.