السيسي: لو فضلنا نقول هنجيب منين دولار للمشروعات مش هنتحرك لقدام (شاهد)
أكد الرئيس عبدالفتاح السيسي، أن مجمع إنتاج الكوارتز يمثل فرصة استثمارية يجب استغلالها، قائلًا: "إحنا محتاجين إن كل الفرص اللي عندنا نستغلها".
وتابع السيسي، خلال افتتاح مجمع مصانع إنتاج الكوارتز بالعين السخنة، اليوم الخميس، أنه "عندما خدنا القرار ده من 3 سنين، وقلنا نتحرك فيه قالوا ما تدوا فرصة للناس تعمله، وإحنا محتاجين إن كل الفرص تبقى موجودة معانا".
وأكمل: "الناس قالت 700 مليون دولار كتير للمشروع، وإحنا بنطلع نجيب بمليارات الدولارات حاجات أخرى، الرقم مش بسيط ولكن الرقم ده ولا حاجة بالنسبة للأرقام التانية اللي بنجيب بيها، أنا لو طلعت المادة الخام واشتغلت عليها، هشغل الناس وهعظم الإنتاج". مشروع إنتاج السيلكون تكلفته الاستثمارية 700 مليون دولار، واحنا بنجيب منتجات من الخارج مثل الأغذية بأرقام كبيرة أيضًا".
وواصل السيسي: "لو فضلنا نقول المشروع ده بالدولار، هنجيب الدولار منين، مش هنتحرك لقدام"، معقبًا: "اللي موجود عندنا مش سر، ونحن أمام فرصة استثمارية بقولها للمستثمرين الأجانب للاستثمار في الكوارتز"، مضيفًا:"هناك فرص استثمار جيدة في مصر في قطاع الكوارتز والسيليكون المعدني".
وجه الرئيس السيسي رسالة للمستثمرين قائلًا: "إحنا معاكم ولو عايزين تكونوا معانا متاح، وهذه المشروعات استثمارية تدر عوائد مستقرة".
وأتم قائلًا: "إن مصر سوف توفر المكون المصري لإنتاج الكوارتز، مهما كانت قيمته، مضيفًا: "أنا بقول للشركات والحكومة الإيطالية نحن ندعمكم ونشجع أن تقوموا بالمصانع، أو المساهمة في المشروعات"، موضحًا: "أحنا من جانبنا الرقم اللي مطلوب مننا في الأعمال المدنية والإجراءات الإدارية، أحنا هنخلصه إمبارح، موضحًا أنا بتوجه بالشكر لكل من ساهم في خروج مشروع مصنع إنتاج الكوارتز، وبقول تاني لرجال القطاع الخاص والمستثمرين في مصر، من فضلكوا متضيعوش وقت تاني".
مميزات ألواح الكوارتز:
تتميز ألواح الكوارتز بالعديد من الصفات، حيث إنها مضادة للبكتيريا والفيروسات والأشعة تحت الحمراء والبنفسجية، ودرجات الحرارة العالية، وجميع أنواع الأحماض، كما أن ألواح الكوارتز تصنف على أنها أكثر صلابة من ألواح الجرانيت بأنواعه.
ويستخدم مجمع مصنع إنتاج الكوارتز الطاقة النظيفة باستثناء الغلايات التي تستخدم الغاز الطبيعي، كما يمتلك المجمع محطة تحلية للمياه خاصة به قدرها 300م3 في اليوم بخلاف محطات إعادة تدوير المياه التي تستخدم بخطوط الإنتاج لتقليل الهدر من المياه، باعتبارها إحدى الثروات الطبيعية بسعة إجمالية 556 م3.، كذلك مناطق إدارية ومعايشة للعاملين في المصنع على أعلى مستوى.
وقد عمل مجمع مصنع إنتاج الكوارتز على توفير 600 فرصة عمل مباشرة و2000 فرصة عمل غير مباشرة، كما أن جميع العاملين في المصنع هم من المدنيين بنسبة 100%، كما تم إرسال بعض العاملين لإيطاليا من أجل التدريب على المعدات والمكن الحديث.