هالة عمر تروي كواليس تبرئتها من ذنب انفصال تامر حسني عن بسمة بوسيل
هالة عمر.. اسم زاد البحث عليه على محرك جوجل، بعدما وجهت لها بسمة بوسيل طليقة الفنان تامر حسني رسالة قاسية على استوري موقع التواصل الاجتماعي "إنستجرام".
هو ما أثار جدلًا كبيرًا على مواقع التواصل الاجتماعي، إذْ كتبت بسمة بوسيل طليقة الفنان تامر حسني: "حسبي الله ونعم الوكيل فيكي يا هالة"، بعد انتشار صور لطليقها برفقته في حفل زفافها.
هالة عمر وراء انفصال تامر حسني عن بسمة بوسيل؟
احتفلت أمس هالة عمر مديرة أعمال الفنان تامر حسني بحفل زفافها، بحضور الفنان تامر حسني الذي قدَّم لها بعضًا من أغانيه خلال الحفل؛ الأمر الذي دفع بسمة بوسيل للهجوم عليها.
تامر حسني يُبرئ هالة عمر:
قال الفنان تامر حسني: "لكل اللي بيسأل عن ايه وجه القرابة بيني وبين العروسة الجميلة دي شايف اسأله كتير أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت ومن كتر دفاعها عني لفتت نظري ومرة رديت عليها شكرتها، و لما سافرت إسكندرية في الوقت ده لقيت بنت صغيرة أوي بتعيط و بتجري عليا فوقفتلها وفكرتني بنفسها، و فضلت تعيط وتقولي إحنا معاك ولازم تكمل عشان كنت بتحارب جدًّا في بداياتي".
استطرد حسني: "فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أناعايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها، وأنا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب فعرضت عليها تشتغل معايا و هي في السن دهمصدقتش طبعًا،ومن ساعتها وهي اللي ماسكه كل شغل الميديا".
تابع الفنان تامر حسني : "الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنة واحدة رحمهم الله ياريت نفتكرهم ونهديلهم ثواب الدعاء والفاتحة، ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح ياهالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله".