شقيقة سعاد حسني تكشف لـ "الوفد" سر ظهور نادية يسري وحكاية الجنسية الإنجليزية
فتحت جانجاه شقيقة سعاد حسني النار على نادية يسري ردًا على تهديدها بنشر تسجيلات سرية للسندريلا، وخطابات مكتوبة بخط يدها، الأمر الذي أثار غضب أسرة السندريلا، وأعاد القضية مجددًا للأضواء رغم مرور أكثر من 22 عامًا عليها.
شقيقة سعاد حسني تكشف للوفد سر ظهور نادية يسري المفاجيء بعد مزاعم قتلها
وفي هذ الصدد، كشفت جنجاه عبد المنعم شقيقة سعاد حسني خلال حوارها مع بوابة "الوفد" الإلكترونية، سر اختفاء نادية يسري سنوات طويلة بعد مقتل السندريلا، وظهورها المفاجيء على السوشيال ميديا مؤخرًا، لتصرح بأنها كانت السبب وراء ظهور نادية يسري المفاجيء في الآونة الأخيرة، قائلة: "هي اختفت شوية و بعدين أنا عملت حاجة كده عشان اظهرها بيها وفعلاً ظهرت وطلعت عشان ترد و تدافع عن نفسها و تكمل الكذب بتاعها".
وأضافت جنجاه: "أنا ليا ناس في كل مكان وفي لندن وعارفة كل أخبارها، هي متقدرش تعمل حاجة وآخرها تطلع تقول أنا هعمل و اسوي لكن بمجرد ما تكشف أي أسرار أو رسائل بخط اليد تخص السندريلا، ساعتها اكيد هيبقى في كلام تاني وهيتاخد ضدها اي اجراء قانوني".
شقيقة سعاد حسني للوفد: نادية يسري المفروض مصرية ليه بتتعامل في مصر بالجنسية الإنجليزية
وأعربت شقيقة السندريلا خلال تصريحاتها للوفد عن مدى دهشتها من معاملة نادية يسري على أنها إنجليزية وليست مصرية، لكونها تحمل الجنسية الإنجليزية، مضيفة: "هي المفروض متتعاملش بأنها انجليزيه هي راجعة مصر و بتعامل بالجنسيه الانجليزية ونسينا انها متهمة في القضية كمان طالعة تتكلم في القصة تاني وتقول معاها مستندات وكل ده هي سرقاه شيلاه معاها ليه لحد دلوقتي ده اللي لازم تُسأل عليه ويتم توجيه تهمة رسمية إليها".
نادية يسري تهدد بكشف المستور في قضية قتل سعاد حسني بعد مرور 22 عامًا
وأعلنت نادية يسري أنها ستكشف أسرارًا جديدة عن السندريلا لم تُنشر أو تتحدث عنها من قبل، بالإضافة إلى كتابات ورسائل خاصة بخط اليد كتبتها سعاد حسني بنفسها قبل وفاتها وتحديدًا في أيامها الأخيرة، حيث كانت تعاني من اكتئاب شديد وأزمات مادية لا حصر لها.
وكتبت نادية يسري عبر حسابها الشخصي بموقع التواصل الإجتماعي الأشهر "فيس بوك": "بسم الله الرحمن الرحيم .. صباح الخير .. أولاً أنا بحب اشكر كل الناس الجميلة اللي كتبتلي كومنتس الحلوة ربنا يخليكو ليا يارب وشكرا .. أنا دلوقتي مع صاحبتي في مصر وبحضر للفيديو التاني part two ,أول مانرجع من مصر على لندن هسجلو وانزلو في صفحتي في الفيس بوك وفي قناتي في اليوتيوب بمساعدة صاحبتي بإذن ربنا".
وأضافت نادية: "المره دي غير كل مره هنزل شوية والضروري من أوراق تحقيقات سكتولند يارد في انتحار سعاد حسني علشان الناس اللي بتقول ماحققوش وقفلو على الموضوع وعملوا سينريوهات طبعا كله عشان يتاجرو بموتها وهنزل كمان رسائل سعاد حسني اللي عمري ماوريتها لحد بخط ايدها وهي بتعبر عن وجعها وتعبها و نفسيتها و مشاكلها المالية و هجاوب على شوية الاسئله اللي بتتكرر من 22 سنة".
واختتمت نادية يسري منشورها قائلة: "الشيخ الشعراوي رحمة الله عليه يبشر المظلومين: لا يموت ظلُوم في الكون حتى ينتقم الله منه، وانا متأكدة أن ربنا الحق العادل ها يكرمني و يجبلي حقي منهم و من كل واحد ظلمني وافتراء عليا .. صبرا جميلا .. حسبي الله ونعم الوكيل فيكم .. بس خلاص قربت تخلص خالص ان شاء الله".
