ميار الببلاوي تُكذب وفاء مكي وتفجر مفاجأة عن تعذيب الخادمتين برعاية ريهام سعيد
فاجأت الفنانة المعتزلة ميار الببلاوي جمهورها بالتراجع عن تصريحاتها الأخيرة بشأن براءة وفاء مكي في قضية تعذيب الخادمتين، وذلك من خلال منشور عبر حسابها الشخصي بموقع التواصل الإجتماعي الأشهر "فيس بوك".
ميار الببلاوي تتراجع عن تصريحاتها وتُكذب وفاء مكي في قضية تعذيب الخادمتين
نشرت ميار الببلاوي مقطع فيديو من حلقة الإعلامية ريهام سعيد ببرنامجها "صبايا الشمس" والتي فتحت خلالها ملف قضية وفاء مكي وتعذيب الخادمتين تحت عنوان "بث مباشر - وفاء مكي كدابة .. انهيار شاهد العيان من البكاء .. عذبت الأولاد قدام عيني".
وعلقت ميار الببلاوي على الفيديو مُتعجبة من دفاع وفاء مكي عن نفسها بإستماتة حول براءتها، وقالت: "اللهم لك الحمد ربنا ظهر الحقيقه من شاهد عيان وكده انا كنت بأنب ضميرى على الفاضى، سؤال ايه الى بتعمليه ده يا وفاء انا قلت ان فى موقف حصل لكن كده اتحسمت كفايه بقى".
وأضافت ميار الببلاوي: "ملقتيش حد تدوسى عليه غيرى وتمثلى البراءه اوعلشان انا مش بتاجر بالموضوع ورافضه اتهم بإنى بجرى ورا تريند وافضل الف معاكم على القنوات والمواقع بالشكل المستفز دا ا انا قلت شكوكى وموقف حصل الحمد لله انه كان ولا هيقدم ولا يأخر".
ميار الببلاوي توبخ وفاء مكي: اخرسى بقى ليكى عين تكذبى وتقولى انك بريئه، وكمان مش مسمحانى اخص
وأردفت ميار الببلاوي: "سؤال فين دليل برائتك دا انا قلت للناس انه حصل كذا فقط والى حصل دا ملوش اى قيمه خالص بعد شهاده الشاهد دا وبعد ما قريت التحقيقات والتقارير اد ايه انا كنت هبله فى كل مكان تكذبى وانتى عارفه انك مش مظلومه وانا الحمد لله اتاكدت انك مذنبه والحكم عين الحقيقه".
واستكملت "الببلاوي": "كده لما جولى مكنوش جايين من عندها وكده المخدمتيه كذابه شاهد العيان ده ريح قلبى اخرسى بقى وبرافوا يا ريهام هفضل اقول انك اكبر واصدق اعلاميه فى مصر حسبى الله ونعم الوكيل فيكى لا وليكى عين تكذبى وتقولى انك بريئه، وقال كمان مش مسمحانى اخص".
واختتمت "ميار" تعليقها: "بس مش مستغربه غير اتنين زميلاتى الاعلاميات ايه ده ايه كميه الحقد ده لو كنتوا تعبتوا نفسكم زى ريهام سعيد علشان توصلوا للحقيقه وتريحوا الرأى العام ومتفكروش فى التريند تفكروا فى مصداقيتكم كإعلاميات للأسف مكنتوش سمحتوا باللى بتعمله وفاء، أعوذ بالله اتعلموا من ريهام سعيد لأنها هتفضل باحثه عن الحقيقه واعلاميه مهنيه زى ما بيقول الكتاب".
وكانت ميار الببلاوي قد حلت ضيفة مع الإعلامية ريهام سعيد على برنامج "صبايا الشمس" المُذاع عبر قناة "الشمس" الفضائية، وتطرقت خلال حوارها لكشف أسرار وتفاصيل جديدة تتعلق بقضية تعذيب وفاء مكي للخادمتين.
وقالت "الببلاوي": "أيام ما كنا بنصور أنا ووفاء مسلسل اسمه "سور مجري العيون" شفتها بتتخانق مع مدير الإنتاج بتبهدله عشان جبلها الأكل بتاعها قبل أكل المساعدة بتاعتها وقالت له أنت فاكر إيه كلنا ولاد تسعة وكانت نجمة ساعتها".
وأضافت: "قعدت أفكر هل اللي بتتخانق دي عشان مساعدتها ممكن تبهدلها وتحرقها، والبنات كانوا مافيهمش حاجة بدليل أن الست لفت وكانت بتدور تشتغل عندي وعند غيري والبنت بس كان محلوق لها شعرها وعرفت انه حاجة اسمها (قراع إنجليزي) ورفضت استقبالها".
سبب سجن وفاء مكي 10سنوات
وتعود واقعة سجن وفاء مكي لمدة 10 سنوات بتهمة تعذيب خادمتين، إلى عام 2001 أي قبل 22 عاماً، حيث تم اتهامها ووالدتها بتعذيب خادمتين وهتك عرضهما، واستطاعت حينها الهروب لمدة أسبوعين، لكن سرعان ما تمكنت الشرطة من إلقاء القبض عليها، وحُكم عليها بالحبس لمدة 10 سنوات مع الشغل والنفاذ، فيما حكم على والدتها بعام واحد.
تفاصيل تعذيب وفاء مكي لخادمتين و هتك عرضهما
وقضت محكمة جنايات شبين الكوم بمحافظة المنوفية، بمعاقبتها بالسجن 10 أعوام مع الشغل والنفاذ، والسجن سنة لكل من والدتها "ليلى الفار" والفنان "أحمد البرعي" وابن خالتها "سيد الفار" وطليقها "أيمن الغزالي"، وإلزامهم جميعا بالتعويض المدني للمجني عليهما الخادمتين "مروة وهنادي فكري عبدالمجيد".