محمد فؤاد يهاجم محمد هنيدي.. راعي العيش والملح | فيديو

 أعرب الفنان محمد فؤاد، عن استيائه من التصريحات التى قالها الفنان محمد هنيدى حول الغيرة التى وجدها منه عقب نجاح "هنيدي" بعد فيلم "إسماعيلية رايح جاى".

 

وقال، خلال حواره مع الإعلامية بسمة وهبة مقدمة برنامج العرافة، على قناة المحور، :"إيه الجو المسمم ده، بقى يطلع منك الكلام دا يا هنيدي، يا راجل راعي العيش والملح وتعبي معاك في الفيلم، دا أنا اللي خليتك تلتزم، وفلوسي حتى الآن ما أخدتهاش من فيلم إسماعيلية رايح جاي وكنت بصرف على المنتجين اللي فلسوا، وصرفت 400 ألف جنيه من جيبي".

 

اقرأ أيضًا.. محمد فؤاد يعترف بتفوق عمر كمال عليه (شاهد)

 

وتابع: "أنا كنت بكتب الافيهات بإيدى عشان يضحك الناس، أنا مش بغير

من حد، ولا يوجد ما أغير منه، واللي يغير من صحابه عنده نقص، الموضوع كرهني في إسماعيلية رايح جاي لأنه خلق حالة من الكره ولقيت حروب نجوم، لمين اللي يتم الإنتاج ليه، وغيره مقدرش أهاجم هنيدي".

 

وواصل قائلًا: "أنا أغير منك انت يا هنيدى، عيب اتقى الله ده انت هتتسأل قدام ربنا على كل ده، أنا كنت بصحيه من النوم عشان التصوير، وهنيدى عرف الالتزام لما أنا زعلت منه عشان يلتزم".