بالفيديو.. سيد علي لـ"وزير الداخلية": أنت اتعلم عليك ومبنخافش منك

شن الإعلامي سيد علي هجومًا حادًا على وزير الداخلية اللواء مجدي عبدالغفار بعد انتقاد الرئيس عبدالفتاح السيسي له صباح أمس لتأمين مبنى وزارة الداخلية الجديد بـ 1000 مجند.

وقال "سيد" خلال برنامجه "حضرة المواطن" المذاع على فضائية "العاصمة": "سيادة الرئيس احنا بنحبك .. وعلى فكرة يا سيادة الوزير احنا مبنخافش، كان زمان ممكن أي حد يخاف، وكان أي حد يخاف يتكلم عن مأمور أو أي حد، لكن دلوقتي احنا بنقول لوزير الداخلية أنت اتعلم عليك".

وأضاف "أنا أحيي الرئيس عبدالفتاح السيسي، لأنه قاله اللي كل الناس كانت بتتكلم فيه،

فشل ورا فشل، واحنا بندفع التمن وساكتين، والسؤال هو وزير الداخلية مبيتغيرش، رجل محترم وله تاريخ واجتهد وأصاب وأخطئ، لكن في ناس تانية".

وتابع "لا يعني أنني بنتقد شهداء الشرطة ومصابينها، دول جزمهم فوق دماغنا، أنا بنتقد شخص الوزير، أما باقي الضباط والأمناء والعساكر فوق دماغنا دول بينفذوا أوامر بس، واحتمال وزير الداخلية يكون صح وأنا غلط".

شاهد الفيديو كاملا