أحمد موسى: حديث السيسي عن عدم المساس بالدستور قطع الطريق أمام الأكاذيب
علق الإعلامي أحمد موسى، على كلمة الرئيس عبدالفتاح السيسي اليوم، قائلا: "الرئيس السيسي أكد على أن الدستور المصري لن يتم المساس به، ليقطع الطريق أمام أي أكاذيب لإحداث أزمة في البلاد.
وأضاف أحمد موسى، خلال تقديم برنامج على مسئوليتي المذاع على قناة صدى البلد، هناك حملات شديدة علينا من الداخل والخارج.. ناس مش عايزين البلد تمشي لقدام وبيشككوا في كل الإجراءات، قابلت السيد أحمد أبو الغيط قالي الرئيس السيسي لازم ياخد حقه لأن اللي عمله لمصر كتير جدا، وأنا بسمع من الدنيا كلها حول العالم عن النقلة الكبيرة اللي عملتها مصر.
وأضاف موسى: أقولها مرة واتنين وتلاته الأمن لا يقدر بمال.. لو عندك مشكلة أمنية تبقى ولا حاجة.. عدينا وشوفنا الفوضى والإرهاب وعدم الاستقرار والاغتيالات وعشناها كلها.. الدولة دفعت تمن غالي شهداء ومصابين مش فلوس بس.. حرب مع الإرهاب 10 سنين وتكاليف 120 مليار جنيه.
وتابع أحمد موسى: "لما تقعد مع كبار الخبراء.. بيقولوا الصاروخ اللي بيتضرب بأرقام مرعبة، والطائرة المقاتلة بأرقام كبيرة، مقاتلات الجيل الخامس تصل قيمتها إلى 350 و400 مليون دولار، والإصدارات الأخرى بـ 200 مليون دولار، والصاروخ بـ مليون دولار بشكل عام مش بكلم على مصر.
وأردف: "الرئيس يؤكد اليوم على دور كل واحد فينا.. كلنا واحد ندافع عن بلدنا.. معركة دولة وليست معركة شخص أو مؤسسة، وأبطال مصر صاحيين.. البطل اللي صاحي دا هل اشتكى أو قال حاجة ؟ .. دا بيحمينا كلنا .. لازم نبقى شايفين كافة التحديات الحالية والشائعات، انتقد معنديش مشكلة لكن مش أجري ورا اللي بيطلع شائعات عشان يهد بلدك.. اللي عايز يهد البلد معروف.. لازم نقف لهم.