مديحة حمدي: حجابي بيعمل أزمة للمخرجين أثناء تصوير مشاهد معينة
كشفت الفنانة مديحة حمدي كواليس ارتدائها الحجاب، موضحة أنها اتخذت القرار في هدوء تام وأخبرت زوجها به، كما تحدثت عن تأثير الحجاب على أعمالها الفنية، والصعوبات التي واجهها المخرجون في بعض المشاهد التي تتطلب ظهورها دون الحجاب.
وقالت مديحة حمدي خلال مقابلة تليفزيونية مع الإعلامية نهال طايل في برنامج «تفاصيل» المذاع على قناة «صدى البلد2» : «قررت أتحجب وكنا في 22 من رمضان وقلت لزوجي قال لي بشرط لو لبستيه مش هتقلعيه متضحكيش الناس علينا، واللي بيلبس الحجاب مش بيقلعه لأنه بقي جزء من تكوينه».
وأوضحت مديحة حمدي أن ارتداءها الحجاب تسبب في بعض الصعوبات للمخرجين أثناء تنفيذ بعض المشاهد، قائلة: «بس ده كان بيضع المخرجين في أزمة يعني أنا مثلاً قاعدة مع زوجي، اللي هو مفترض جوه التمثيلية ده محرم بالنسبة لي طب أنا قاعدة معاه بالحجاب ليه؟ فلازم نعمل يا بفتح لبتاع الجرايد، عشان مش معقولة هأخلعه وأنا بأمثل».
