أداة سعادة.. باسل سماقية يعلق انتقاده بسبب ملابسه ومجوهراته
تحدث باسل سماقية رئيس مجلس إدارة شركة قطونيل، عن أسلوبه في اختيار ملابسه ومجوهراته، مؤكداً أنه يختار ما يحب دون الالتفات لآراء الآخرين على مواقع التواصل الاجتماعي.
وأضاف باسل سماقية في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "النهاردة أنا مهدي شوية مع إن ده الفاشون، أنا بحب التفاؤل بحاجات كتير، الخاتم ده حجر زمرد اشتريته من عند حد عنده حاجات قديمة وبتفاءل بيه وبلبسه معظم أيامي دلوقتي".
عمري ما رديت على أي تعليق على السوشيال ميديا في حياتي
وتابع: "مابتضايقش وعمري ما رديت على أي تعليق على السوشيال ميديا في حياتي، أنا معنديش وقت".
وعن المجوهرات والإكسسوارات، قال باسل سماقية: "ده فيه دايموندز صغيرة؟ فاشن آه. أنا بلبس اللي بحبه ومادام مابأذيش حد، لا بأذي حد ولا بضر حد ولا باكل حاجة على حد، مفيش حاجة".
وأكد أن أسلوبه الشخصي في اللبس يعكس شخصيته ويبعث بالطاقة الإيجابية له: "الملابس والحاجات اللي بختارها ليها تأثير على نفسيتي، وأنا أحب أعيش مع اللي بيخليني مبسوط".
وأوضح باسل سماقية أن الفاشون بالنسبة له ليس للتفاخر أو لإثارة الجدل، بل وسيلة للتعبير عن نفسه والتفاؤل: "أنا ما بتهتمش بانتقادات الناس، المهم الراحة الشخصية والثقة في النفس.. اللبس والألوان والمجوهرات بالنسبة لي أداة سعادة مش قضية خلافية".