حمزة العيلي يكشف موقفه من محمد صبحي.. "زمن كله فتن"
عبر الفنان حمزة العيلي عن رأيه بشأن ما تردد مؤخرًا حول الفنان الكبير محمد صبحي، مؤكّدًا أنه لا يشعر بضرورة التعليق على كل الأحداث، خاصة مع انشغاله بعمله، وأن الحديث المتأخر غالبًا "لا يزيد ولا ينقص".
وقال العيلي، في منشور له عبر صفحته الشخصية على موقع التواصل الاجتماعي فيسبوك، عاوز بس أوضح للناس المحترمين المهتمين بما أكتب اني مش لازم أعلق على كل حاجة بتحصل و أغلب الوقت بكون في شغلي وبيفوتني حجات كتير لو اتكلمت بعدها لا هتزود ولا هتنقص.
وأضاف: "ولكن عشان في ناس كتير بعتتلي عن موضوع الأستاذ والفنان والنجم الكبير المثقف المدرسة محمد صبحي واني ليه ساكت، مبدأياً في وطن عربي كامل غير المصريين بيردوا على أي تافه تطاول على الأستاذ اللي ياما أمتعنا بفنه وعلمنا قيم جميلة ويكفي يوميات ونيس.
وتابع: "عاوز بس أقول حاجة.. احنا في زمن كله فتن وزادت بشكل مرعب وإيه الغاية أو الهدف من حدوثها الله أعلم، احنا المفروض كلنا إخوة و جايين الأرض نعمر مش نخرب واللي جواه خير بيقدمه ربنا هيكرمه واللي جواه شر وبينشره هيتردله.
واختتم حديثه قائلًا: “مش مستغرب كل اللي بيحصل مفيش بعد اللي حصل في فلسطين وراحت في خبر كان وأحداث قبلها وبعدها كتير قوي تصيب بالإحباط الشديد والذهول المحزن والاستعجاب من شدة العبث المخيف والصادم.. ربنا يصلح أحوالنا جميعاً و يهدي نفوسنا ويخرجنا منها على خير.
