نهال طايل عن واقعة معلمة الإسكندرية: "سوء تربية ومش كل مشكلة هندخل الوزير"
ثمنت الإعلامية نهال طايل، مجهودات وزير التربية والتعليم، واتخاذه اجراءات حاسمة على الفور تجاه الطلاب الذين تعمدوا إهانة معلمة بإحدى مدارس الإسكندرية، وذلك خلال تقديمها برنامج تفاصيل.
نهال طايل عن واقعة معلمة الإسكندرية: اللي حصل سوء تربية
وتابعت نهال طايل: “هي المدرسة بتربي وتعلم ولا هي بتعلم بس، شوفت الفيديو 6 مرات عشان أستوعب اللي حصل”، متسائلة: “اللي حصل سوء تربية ولا سوء استيعاب مدرسة، أنا لو مسئولة في المدرسة أيا كان دوري هقولهم عيب، مفيش ليه معلم ولا معلمة تدخل أو كان معدي قدام الرقص والهيصة والزمبليطة ولا الست دي كانت قاعدة في مبنى لوحدها”.
نهال طايل تشكر وزير التعليم بعد واقعة مدرسة الإسكندرية: مش كل مشكلة هنطلب تدخله
واستكملت: “خلونا نقول الست دي تتهم حد أو عندها نظرية المؤامرة، أيا ما كان طيب أنا عاوز أفهم عيال طول بعرض دول تلاميذ مش طلابـ، مفيش راجل واقف في منشأة كاملة تمارس دورها في عز النهار”.
وأردفت نهال طايل: "هو كل أزمة هنستنى وزير التعليم يحل بنفسه، أنا مش فاهمة الحكاية دي، أيه دخل الطلبة في الحكاية، بقيت أشوف ما يحدث غريب".