إنقاذ سالي عبد السلام من موت محقق .. تفاصيل
حادث مفزع عاشته الإعلامية سالي عبد السلام بعدما تحول منزلها إلى سيل من المياه إثر انفجار ماسورة مفاجئة، كاد أن يودي بحياتها إثر تعرضها لصعق كهربائي أثناء محاولتها إنقاذ الموقف.
وروت سالي تفاصيل الواقعة عبر حسابها على "إنستجرام"، قائلة: "بيتي غرق بسبب انفجار ماسورة مياه ومسكت المشترك حاولت أقفل الكهرباء فاتكهربت، ولما صوت قفلوا سكينة الكهرباء فورا، اوعوا يبقا فيه مياه وتقربوا من الكهرباء وخدوا بالكم من الغاز كمان وربنا يسترها،.
وعلى جانب آخر، حرصت سالي عبد السلام على الرد على التعليقات السلبية التي طالتها بعد نشرها فيديو وهي تصلي بالمكياج وطلاء الأظافر. وأوضحت قائلة: "الناس اللي بتقول بتصلي بالميكاب وبالمانيكير، أنا متوضية قبل وضعهم، وعندي شغل بره، أكيد مش هضيع المغرب بسبب ده، لو العشاء هصليها في البيت وأشيل المناكير والرموش".
وأكدت سالي أن علاقتها بربها لا ترتبط بالمظاهر، قائلة: "ده ربنا غفور رحيم، ليه الناس غاوية جلد الذات، كل واحد عايز يقول إنه أحسن من اللي قدامه ويتهمه، لما حد يكون بيعمل حاجة كويسة تلاقي واحدة بتقول لها لا غطي رقبتك الأول، يا جماعة مش كده خلينا نشد بعض على الطاعة".
واختتمت حديثها موضحة موقفها قائلة: “أه بنصلي بالميكاب، مشوفتش فتوى ثانية، محدش قالي كده، أنا متوضية قبل ما أحطه وحافظت على وضوئي علشان ألحق المغرب وأخش أصور الشغل”.
