"ماسك الفحم".. سالي شاهين تحذر من وصفة منزلية تسبب كارثة صحية (تفاصيل)
روت الإعلامية سالي شاهين، تجربتها مع وصفة تجميل منزلية، وصفتها بأنها كانت "كارثة حقيقية"، وذلك خلال تقديم برنامجها "ست ستات" المذاع عبر شاشة “DMC”.
سالي شاهين تحذر من ماسك الفحم: كارثة حقيقية
شاهدت سالي شاهين وصفة عبر التلفزيون وأرادت تجربتها بنفسها، قائلة: "كارثة حصلت لى وأنا بتفرج على التليفزيون، واحدة طلعت واثقة في نفسها جداً، وأنا بحب الوصفات الطبيعية أوي".
وأضافت: “الوصفة كانت خلط أقراص الفحم المطحونة مع الجيلاتين الحيواني لعمل قناع للوجه، بيزيل الحبوب والبقع ويمنح البشرة مظهراً أصغر سناً لكن النتيجة كانت كارثة عكس ما توقعت".
وتابعت: "دخلت لأمي، قالت لي فيه إيه يا بنتي؟ إيه الرعب ده؟ كنت سودة خالص! قلت لها ده ماسك وهبقى قمر بعديها، لحد ما المشكلة الحقيقية بدأت وأنا بحاول أشيل الماسك ما كانش عايز يطلع خالص، وقعدت أشد فيه، معرفش طلع بالجلد ولا لأ... وشي كله احمر وورم وقعدت كده تلات أيام".
واختتمت سالي شاهين روايتها بنصيحة للمشاهدين قائلة: "أي وصفة جديدة لازم تتجرب الأول على حتة صغيرة من الجلد، ومحدش يتهور زي ما أنا عملت".