السيناريو الإلهي هو الأفضل.. شاهيناز تكشف السر الحقيقي وراء غيابها عن الساحة الفنية
أكدت المطربة شاهيناز أن فترة ابتعادها عن الساحة الفنية لم تكن خسارة كما قد يظن البعض، بل كانت بمثابة «هدنة إلهية» أعادت ترتيب أولوياتها ومنحتها نظرة مختلفة للحياة والفن، وذلك خلال لقائها مع الإعلامية سيرا إبراهيم ببرنامج اسمعني شكرًا.
شاهيناز: "الفترة التي ابتعدت فيها عن الساحة الفنية كانت هدنة إلهية"
وقالت شاهيناز: "الفترة اللي بعدت فيها دي ظاهر الأمور ممكن تكون تعطيل أو وقت ضاع، لكن من ثقتي في ربنا بشوف إن أفضل سيناريو مكتوب في حياتك هو اللي ربنا كاتبه، حتى لو كان عكس إرادتك».
وأوضحت أنها كانت على يقين أن الغياب لم يكن إلا لحكمة، مضيفة: «قلت لنفسي يمكن لو كنت كملت في الوقت ده كانت حصلت مشكلة كبيرة في حياتي، أو حاجة في شغلي كانت ممكن تقلل من محبة الناس ليا، لكن الحمد لله أنا بشوفها فترة راحة واستعادة طاقة».
وأضافت: «كل مرة بكون فيها في حفلة أو فرح بحس إن الناس مش حاسة بفترة غيابي، وده بيديني طاقة إيجابية كبيرة. الحمد لله قدرت أعمل بصمة، واللي بيحبني فعلاً لسه موجود، وده واضح من تفاعل الناس مع الأغاني الجديدة اللي قدمتها لما رجعت».