حسام حبيب يفجر مفاجأة.. من حلق شعر شيرين عبد الوهاب؟ |متبقاش راجل لو مطلقتنيش
حل الفنان والملحن حسام حبيب ضيفًا مع الإعلامية بسمة وهبة في برنامجها الشهير "العرافة" والمذاع على قناة النهار، وكشف طليق الفنانة شيرين عبد الوهاب عن العديد من الأمور التي أُثيرت حوله بعد أزمته الشهيرة مع نجمة الجماهير.
ولعل أكثر ما أثار تعاطف الملايين تجاه النجمة شيرين عبد الوهاب وسبب هجوم حاد على الملحن الشهير هو ظهورها بشكل مفاجئ حليقة الرأس متهمة طليقها بذلك، ليكشف حسام حبيب ولأول مرة مع العرافة كواليس تلك الواقعة.
حسام حبيب يكشف حقيقة حلق شعر شيرين عبد الوهاب
وأوضح حسام خلال حواره أن الدكتور اللي كان بينظم علاقتهم كان ينصحنه قائلًا:" لو شيرين متعصبة اسيب المكان واروح مكان تاني، وعملت كده فعلاَ ونمت وصحيت ملقتهاش في البيت بعد كذا يوم كلمتني وقالتلي هي فين تعالالي».
وأضاف :«حينما روحت لها كان في واحد صاحبنا وواحدة صاحبتنا وبعدها طلبت مني أسمع لها الأغاني بتاعتي اللي أنا عملتها وحينما سمعتها قالت لي أنت بتعمل لنفسك أغاني أحسن من اللي بتعملها لي وراحت معيطة».
وتابع:«وبعد كده صاحبتنا قالت لي خلي بالك من فلان هو بيسخن شيرين عليك، فداخلتها هي قالت ليا أنت بتكلم معاها في أي أنت جاي تنكد علينا، وقالت لي أقوم روح، وبعدها قالتلي أنا عايزا اطلق، قولتلها كفاية ياشيرين، وبعدها قولت لصاحبتنا روحي شوفي فين شيرين خبطنا عليها مش بتقتح لكن بعدها طلعت لقيناها بالمنظر ده أنا اتخضيت جداَ فهي اللي حلقت شعرها».
كما وجه لطليقته عدة أسئلة قائلا: "هل كنت عصبي وحلقت شعرك؟ ولا انتي اتعصبتي عليّ وقلتِ كلام عني ميتقلش ومردتش؟ حضرتك طلبتي الطلاق بأسلوب قلتي فيه هتبقى كدا مش راجل لو مطلقتنيش".
وتابع: "أتحداها أيضا أن تفصح عن سبب الجملة وماذا كان ردي عليها، وهل أنا اللي حلقت شعرها بيدي؟ وهل أنا اللي تسببت في ذلك، سأمنحها فرصة بسبب أخلاقي، وأنا سأرد من خلال بسمة وهبة لأني أحب بسمة وهبة وأقدرها واحترمها".
