تدمير حسام حبيب لـ شيرين عبد الوهاب| هدد علاقتها بأهلها وحصوله على أوراق التنازل لروتانا
“الاعتراف سيد الادلة” تلك المقولة المنطبقة على حالة حسام حبيب وشيرين عبد الوهاب بعد اعتراف الاخير بتدميره لها طوال فترة زواجه منها، خاصة في الفترة الاخيرة قبل الطلاق التي شهدت أزمات كبيرة هددت نجومية شيرين عبد الوهاب وأدخلتها عالم المحاضر والمحاكم كاد أن يكون بلا رجعة.
شيرين عبد الوهاب: حسام حبيب هدد علاقتي بأهلي
وبحسب اعترافات شيرين عبد الوهاب عبر إحدى المداخلات الهاتفية، قائلة:" حسام حبيب شوه شكلي وشخصيتي مع أخويا وأمي، قعدت شهور مابرحلهومش شبه محبوسة في البيت ممنوعة من كل حاجة من الغنا من صحابي".
ووصفت شيرين عبد الوهاب حياتها مع حسام حبيب على أنها قصة معاناة استمرت على مدار أكثر من 6 سنوات، تدمرت معها نفسيا بفعل متعمد منه.
كما اتهمته بسرقة مبلغ مالي كبيرة وسيارة فارهة بملايين الجنيهات وأوراق التنازل الخاصة بشركة روتانا من خزنتها الخاصة
استغاثة حسام حبيب بالجمهور
من جانبه استغاث الفنان حسام حبيب بالجمهور بعد تصريحات شيرين عبد الوهاب، قائلا:"عايز أقول للناس كلها شيرين عبد الوهاب بتستقوي بيكم، ودائما بتهددني عشان لو معملتش حاجة، تقولي مش هخليك تمشي في الشارع، فأرجوكم بالله عليكم بلاش تمشوا مع حد عايز يظلم حد".
وتحدث الفنان حسام حبيب عن عودته لشيرين عبد الوهاب قائلا: “خلاص أنا أضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله”.
وأضاف: "هو في حد يكون ضارب حد وفتحله دماغله، ويعتذرله عادي، وقبلها كنت حالقة شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بإيه دا اللي هي قالته للناس أقوى من أي تهديد، أي اللي عندي أهددها به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكالمة لميس الحديدي وطلعت قالت شتائم وحاجات في حقي، كفاية كفاية ناس".
حسام حبيب عن سرقة خزنة شيرين: ارحموني منها
وتحدث الفنان حسام حبيب عن سرقته خزنة شيرين عبد الوهاب، قائلا: "أنا عايز أعرف إزاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرقت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي".
وأكد حسام حبيب قائلًا: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
