3 نجوم تريد آيتن عامر دعوتهم للإفطار معها أول يوم رمضان .. أعرف من هم
أجرت الفنانة آيتن عامر حوارا سريعا على هامش حفل انطلاق الدورة البرامجية الرمضانية لتليفزيون أبو ظبي.
وردت آيتن عامر على سؤال افتراضي حول الوجبة التي يمكن أن تتناولها طيلة شهر رمضان، قائلة: "رز بالشعرية، وابني كمان بيحبها".
شخص تريد دعوته للإفطار معها أول يوم رمضان
وعن شخص تريد دعوته للإفطار معها أول يوم رمضان، قالت أيتن عامر: "واحد بس! اعزم محمود الليثي وأحمد السقا ومصطفى شعبان، وهعمل لهم بط عشان هم بيحبوا البط، ووفاء بتعمله، مش أنا اللي هعمله طبعا وفاء هتعمله، ورز معمر، عشان هي بتعرف تعمله حلو، يعني أنا اللي هعزم وهي اللي هتطبخ، وملوخية".
ذكرى وفاة والدها
وكانت أحيت الفنانة أيتن عامر، ذكرى وفاة والدها، ونشرت مقطع فيديو يحتوى على لقطات تجمعها بوالدها الراحل منذ طفولتها، معلقة: «الله يرحمك يا حبيبي يا بابا، كنت بتاخدنى معاك في كل حتة بتروحها، على القهوة تعلمنى طاولة ودومينو وبعدها نتمشي على البحر وناكل ايس كريم وتودينى الملاهى ونركب العربية تسمعنى ام كلثوم».
وأضافت أيتن عامر عبر حسابها الرسمي بموقع التواصل الإجتماعى «إنستجرام»: «لو كنت هنا دلوقتى كنت أنا اللى هاخدك معايا كل حتة وكنت متأكدة اننا هنكون صحاب مش بنت وابوها علاقتهم تقليديه، لما ببقى قاعدة قاعدة فيها هزار وضحك بيبقى نفسي تكون موجود، واكتر وقت باحتاجك فيه لما حد يزعلنى لانى عارفة انك لو كنت موجود كنت مش هترتاح غير لما تجيبلى حقى».
وتابعت: «كبرت بقا وبقيت اسيب حقى لربنا بس انت لسه واحشنى، الله يرحمك ويغفر لك ويعفو عنك، ادعوا لبابا اللى سابنا زى النهاردة في 2001 أن ربنا يرحمه من فضلكوا».
