فصول جديدة في أزمة حارس الأهلي.. الحكم على البلوجر المتهمة بإزعاج محمد الشناوي
حجزت المحكمة المختصة محاكمة البلوجر المتهمة بإزعاج محمد الشناوي، حارس مرمى النادي الأهلي ومنتخب مصر، لجلسة 28 نوفمبر المقبل، للنطق بالحكم في القضية.
حجز محاكمة البلوجر المتهمة بإزعاج محمد الشناوي للحكم
وتعود تفاصيل الواقعة إلى نشر المتهمة تدوينات عبر مواقع التواصل الاجتماعي، زعمت فيها وجود علاقة زواج تربطها بمحمد الشناوي، ما دفع حارس مرمى الأهلي إلى اتخاذ الإجراءات القانونية اللازمة ضدها.
وكتبت رنا في "ستوري" حذفتها لاحقًا: "أنا سكت فترة طويلة احترامًا لنفسي، لكن كفاية لحد كده... اللي حصل بيني وبين محمد الشناوي كان مجرد تعارف أو كلام عادي، الموضوع وصل لارتباط وزواج بشكل رسمي".
وتابعت :"أنا وافقت على الكلام ده لأني صدقته لما قاللي وأكدلي إنه بعد فترة من جوازنا هو هيعلن عني ،بعد فترة الأمور اتغيرت وبدأ يحصل ضغط عليا علشان أفضل ساكتة وما أتكلمش".
وأضافت :"ولما قلت إني ممكن أكشف الحقيقة تم تهديدي إنهم هيرفعوا عليا قضية تشهير، وبعد ما شافوا إني مصممة على قراري بعت ليا شخص اسمه كريم رزق مدير السوشيال ميديا السابق في النادي الأهلي وصاحبه عمومًا، وعرض عليا فلوس مقابل إني أسكت وما أتكلمش".
وأكملت :" أنا محتفظة بكل الرسائل والفيديوهات من إنستجرام وواتساب اللي تثبت كلامي ده وهتنزلها كلها، وأنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي بعد كل اللي حصل. ولو اضطر الأمر هعرض كل الأدلة بالطريق القانوني علشان حقي يظهر قدام الناس".
واختتمت: "وأنا كلمت المحامي بتاعي وهنرفع قضية والإجراءات بتتم وهاخد كل حقوقي، وأنا عندي استعداد أفضح وأنزل كل حاجة تخصه، وساخته بس من ستر ستر عبدًا ستره الله يوم القيامة وأنا هكتفي بالاستوري دي".
من جانبه، نفى محمد الشناوي تلك الادعاءات بشكل قاطع من خلال محاميه، مؤكدًا أنها لا تمت للحقيقة بصلة، وأن اللاعب لا تربطه أي علاقة بالفتاة، معلنًا اتخاذ الإجراءات القانونية اللازمة ضدها بتهمة نشر أخبار كاذبة والتشهير والإساءة إلى سمعته.
تابعوا آخر أخبار بوابة الوفد الإلكترونية عبر نبض