لعبة محامي وتريند رخيص.. طليق رنا سماحة يكشف المستور بعد الحكم بسجنه (تفاصيل)
هاجم الملحن سامر أبو طالب طليقته الفنانة رنا سماحة بعدما أصدرت محكمة الأسرة في القاهرة حكماً بحبسه لمدة ثلاثة أشهر، بسبب امتناعه عن سداد النفقة المستحقة لنجلهما عقب الانفصال، وذلك من خلال منشور عبر حسابه الشخصي بموقع التواصل الإجتماعي الأشهر “فيسبوك”.
أول تعليق من رنا سماحة بعد الحكم بحبسه 3 أشهر بسبب النفقة
وجه طليق رنا سماحة حديثه لابنه قائلاً: "بسم الله الرحمن الرحيم و به نستعين " مالك حبيبى و صاحبى و ابنى و اول فرحتى و روح قلبى ، علشانك.. أستحمل الدنيا تشيل وتحط فيا مش بس " يتشهر " بيا " و يتقال عنى كلام من " اوقح “ الكلام اللى ممكن يتقال عن بنى ادم زيي معروف عنه الاحترام و الكرم و بيتقى ربنا فى كل شىء ومابيظلمش ولا بييجى على حد الحمدلله و ربنا يديمها نعمة”.
وتابع: “عايز أقولك يا مالك اني ماكنتش أحب تكبر تلاقي العلاقة كده بين أمك وأبوك .. واصلة للمحاكم والكل بينشر وبيعيد و يزيد فيها .. وعشان ايه ...!!!؟؟؟ عشان أغنية تطلع تريند !! ولا شوية دعاية اقل ما يقال عنها انها دعايه رخيصه و ( شو ) مالوش قيمه”.
واستكمل: “انا من بداية الأزمة و انا مقرر انى عمري ماهعمل فيك كده و هفضل ملتزم الصمت تماماً لانى مش من الشخصيات اللى بتحب الدوشه و المشاكل و القيل و القال و الفضايح و رمى الناس بالباطل .. وسكوتي عن حقى و شتيمتى و اهانتى انا و اسرتى و مراتى و ابويا و اخواتى فى اللى فات ده كله و التزامى للصمت كان عشانك يا حبيبى ، عشانك انت وبس يا مالك ”.
وأضاف: “محروم منك ، و بقالى ٥ شهور مش بشوفك عشان بس العند و لمجرد ان ( الحضانه مع مامتك ) ، و برضه ماتكلمتش و ما حاولتش اعمل شوشره و فوضت امرى لله فى امورى كلها و قولت ان شاء الله ربنا قادر يغير الاحداث للاحسن و للاصلح ليك يا مالك . و برضه سكوتى عشانك انت . وعلشانك هوقف اللي بيحصل قبل نهاية مسلسل *أب ولكن* اللي احنا فيها دي”.
واستطرد سامر أبو طالب: “ردي هيكون رد قانوني علي كل الأشاعات و محاسبة كل من شارك فيها، أصل انا مش محتاج أعمل تريند علي حساب أبني .. اللي هيكبر يلاقي أمه .. بتشهر بأبوه .. بالكدب و بدون وجه حق.. وفى الأخر تقولك .. دي لعبة محامي و انا ماليش دعوة .. وكأنها بأعصاب باردة .. بتنقذ نفسها و لكنها بتضيع ابنها”.
واختتم حديثه قائلًا: “ولنا الله يحكم في عباده.. ويارب يجي اليوم اللي نفوق فيه من حب الشهرة والتريند ولو علي حساب ولادنا”.
وفي تطور بالدعوى التي أقامتها رنا سماحة ضد طليقها سامر أبو طالب، لرفضه دفع قيمة النفقة التي حدّدتها المحكمة لابنهما بعد الطلاق، أصدرت محكمة الأسرة في القاهرة حكماً بحبسه لمدة ثلاثة أشهر، بسبب امتناعه عن سداد النفقة المستحقة لنجلهما عقب الانفصال.
وكشف المستشار سعيد بيومي، محامي رنا سماحة، أن سامر أبو طالب سدّد كامل قيمة النفقة المتجمّدة الخاصة بابنه، مؤكداً انتهاء هذا الجزء من النزاع.
تابعوا آخر أخبار بوابة الوفد الإلكترونية عبر نبض