طليقي وأهله بيهددونا بالقتل.. الفنانة صفاء مغربي تستغيث بالمسؤولين لإنقاذ أبنائها (القصة كاملة)
توجهت الفنانة صفاء مغربي باستغاثة عاجلة للمسؤولين بإنقاذها من طليقها وأهله، مشيرة إلى أنه اعتاد الإعتداء عليها وعلى أبنائهم بالضرب، كما هددها بحرق المنزل الذي تعيش به، وذلك من خلال منشور عبر حسابها الشخصي بموقع التواصل الإجتماعي الأشهر “فيسبوك”.
صفاء مغربي تستغيث بالمسؤولين من طليقها وأهله: اقسم بالله هنزل اسمائكم وصوركم قريبا عشان لما تقتلوني زي ما بتهددونا أنا وأطفالي العالم ياخد حقي أنا واولادي
كشفت صفاء مغربي عن حجم التهم الموجهة إلى طليقها، لافتة أنه يخالف شروط الكفالة ولم يدفع نفق ابنته، فضلًا عن تهديده لها بالقتل بشكل متكرر، حيث نشرت صورتها مع أبنائها وأرفقتها بتعليق قائلة: “دول ولادي وربنا ينتقم منك انت واهلك ياااااارب يا جماعه أنا تم ضربي كتير جدا في ٣ سنوات عذاب وابني يوسف الصغير اتضرب والناس دي عليهم ٤ احكام جنائيه بالاعتداء عليا ومخالفة شروط الكفالة عدم التعرض”.
وتابعت: “و بقالي ٨ شهور ساكته تماما لكن اللي بيحصل كتيييير جدا والبيت flagged red عند البوليس انه خطر بسبب تهم الاعتداء المتكرره والعنف و مخالفة شروط الكفالة وحاطت بيته على اسم اخته عشان تطردني وجابتلي ورقة طرد من البيت أنا و٣ اطفال وانا في حالي تماما عن علاقه مسيئه كلها عنف وخطر هو واهله وتهديد بحرق المنزل وحرقي أنا وأطفالي وتدميرنا”.
واستكملت: “ومن يومين وأنا في الشغل تم توبيخ ابني علي الكبير وانا في العمل وتحدثت مع حماية الاطفال وسجلوا الشر اللي فعلوه وكل الجهات الحكومية والمختصة في صفي تماما وضد ما هما يفعلوه وحسبي الله ونعم الوكيل فيكم وانهارده اخته اهانتني وانا راجعه من الشغل وهو بيرسل ناس تراقبني وتأذيني في شغلي”.
وأردفت: “اقسم بالله هنزل اسمائكم وصوركم قريبا عشان لما تقتلوني زي ما بتهددونا أنا وأطفالي العالم ياخد حقي أنا واولادي ويكفي ان كل العالم عندها علم بكل أفعالكم الشر وعلى رأسهم البوليس والمحكمه والجهات الحكومية و و و وكل الناس معاهم اسمائكم وصوركم وسواء داخل كندا اوخارج كندا العالم كله هياخد حقنا لو قتلتونا”.
وأضافت: “وايه الحقد ده كله عشان بشتغل عشان استقل وابعد عن علاقة كلها اذى جسدي ونفسي وتهديد بالقتل و و و و؟؟؟ مبيدفعش نفقة ولا اي حاجه لبنته وحارمها ولا لي وكمان ممنوع اشتغل عشان ولادي؟؟؟ ما انت بتطردني أنا و٣ أطفال وبشتغل عشان انقل من بيتك لكن ازاي بقى هو مش عايزني اروح بيت تاني بسلام عايزني اترمي في الشارع”.
واختتمت صفاء مغربي منشورها قائلة: “حسبي الله ونعم الوكيل فيك انت واهلك وربنا كبيييييييييييير يا عاااااااااااااااااااالم لا نافع معاهم بوليس ولا محكمه ولا اي حااااااااجه دا الكفاااار عندهم رحمه عنهم حسبي الله ونعم الوكيل فيكم”.
تابعوا آخر أخبار بوابة الوفد الإلكترونية عبر نبض