"مش مسمحاكي يا سحر".. سيدة بورسعيد تكشف كواليس ابتزازها قبل قفزها من الشرفة على الهواء
شهدت محافظة بورسعيد واقعة مأساوية، بعدما أقدمت سيدة تدعى ماجي الشربيني على القفز من شرفة منزلها خلال بث مباشر عبر فيس بوك، بعد تعرضها لضغوط نفسية وابتزاز.
سيدة تلقي نفسها من شرفة منزلها خلال بث مباشر ببورسعيد
وقالت ماجي خلال البث المباشر الذي أثار جدلاً واسعاً: "أنا من الصبح ما بردش وما بتكلمش وتعبانة جداً، والحمد لله على كل حال، وحابة أوضح رسالة لإيهاب زيدان، وسحر لاشين، وطارق الكحكي، وأحمد الكحكي، وجوزي اللي لسه على ذمته لغاية دلوقتي".
وأكدت أنها تعرضت لابتزاز صريح، قائلة: "أنا بتعرض من الصبح لابتزاز صريح من إيهاب زيدان، بعد ما طلب مني دفع مبلغ مالي عشان ما ينزلش باقي الفيديوهات اللي أرسلتها له حماتي وأهل جوزي، وأنا قررت أنزل الفيديوهات بنفسي في اللايف قبل أي كلام عشان أتحدى الابتزاز، لأني ما بخافش من حد لأني ما عملتش حاجة غلط".
واستعرضت ماجي خلال اللايف مقاطع الفيديو الخاصة بها، موضحة موقف شقيقها: "أخويا كان واقف منهار وبيحاول يهديني وبيقولي سيبيهم لما نمسكهم وحياة أمي لهرضيكي".
وتابعت: "أنا كنت واقفة بدافع عن جوزي ومتمسكة بيه وبقولهم لا مش هضربه ده جوزي"، مؤكدة أنها تحملت الكثير من التلميحات والتآمر على أمل أن يكون زوجها وأطفالها بخير.
وأضافت: "جالي معلومات إن جوزي محمد اتصل من أكونت ابن خالته بإيهاب زيدان وقال له نزل وروح معاها، أنا أقدر أقف قدام أي حد إلا إن جوزي يبيعني، وذنبي وذنب حرمان عيالي من أمهم هيكون عند اللي تسببوا في ده قدام ربنا".
واختتمت ماجي البث المباشر برسالة حادة لحماتها وزوجها قائلة: "أنا مش مسامحة ولا غافرة وهقف معاهم قدام ربنا، أنا مش مسامحاكي يا سحر، أنا مش مسامحاك يا محمد، أنا مش مسامحاكم".
وتكثف الأجهزة الأمنية ببورسعيد جهودها لكشف ملابسات الواقعة وفحص مقاطع الفيديو المتداولة، فيما تم نقل السيدة للمستشفى لتلقي العلاج بعد إصابتها بكدمات.
تابعوا آخر أخبار بوابة الوفد الإلكترونية عبر نبض