محمد الموجي يكشف كواليس دخول ابنته فرح مجال الغناء وزواجها من أحمد جمال
كشف المايسترو محمد الموجي، مدير مهرجان ومؤتمر الموسيقى العربية، كواليس دخول ابنته المطربة فرح الموجي مجال الغناء، موضحًا أنه كان يحاول في البداية إبعادها عن المجال، خوفًا من تأثرها نفسيًا في حال عدم تحقيقها النجاح الذي تطمح إليه.
وقال الموجي، خلال لقائه مع الإعلامية سهير جودة في برنامج «الستات» عبر قناة «النهار»: «أنا مكنتش عايزها تدخل مجال الغنا، وهي كانت بتغني من صغرها، وكنت بحاول أبعدها عن المجال ده».
وأضاف: «لحد ما في حد كلمني وقالي على برنامج ذا فويس كيدز، وقعدوا يقولولي نجرب، طيب، قولت مفيش مشكلة، بس حذرتهم إن اللي بيطلع يغني فيها بيكون عنده أمل إنه يوصل للمرحلة النهائية، وكنت بحاول أمنعها عشان لو حصل غير كده هتتعب».
وتابع: «خليتها تخوض التجربة، وهي كانت مبسوطة، ووصلت للمرحلة قبل الأخيرة وخرجت، واتأثرت جدًا زي ما قولت».
وتحدث الموجي عن زواج ابنته من المطرب أحمد جمال، قائلًا: «فرح بقى لما اتجوزت مكنتش فاهم، وأحمد أعرفه من زمان واشتغلنا مع بعض، ولما لاقيته بيتقدم لفرح أنا حسيت نفسي مختلف».
تابعوا آخر أخبار بوابة الوفد الإلكترونية عبر نبض