كسرت قواعد الموضة.. أسما شريف منير تخطف الكاميرات بإطلالتها في مهرجان الجونة
لفتت الإعلامية أسما شريف منير الأنظار خلال حضورها فعاليات مهرجان الجونة السينمائي بإطلالة غير تقليدية جمعت بين الأناقة العصرية والجرأة في التنسيق، لتُبرز شخصيتها المميّزة.
اختارت أسما لوك يتميز بالطابع الكاجوال والأنيق، حيث ارتدت توب أسود ضيّق برقبة عالية أضفى لمسة من الرقي والاحتشام، ونسّقته مع جاكيت جينز فضفاض منح الإطلالة طابعًا شبابيًا مريحًا.
أما القطعة الأبرز فكانت التنورة الطويلة بالأحمر والأسود المصنوعة من خامات تجمع بين القماش المخملي والشيفون، ما أضاف حركة وأناقة مميّزة.
ولم تكتفِ أسما بتنسيق الملابس فقط، بل أولت اهتمامًا كبيرًا للتفاصيل والإكسسوارات، حيث أضافت حزامًا عريضًا مزينًا بسلاسل معدنية متدلّية وأحجار لامعة، مما أكسب اللوك طابعًا جريئًا ومختلفًا، كما ارتدت أقراطًا طويلة ونظارات شمسية كبيرة الحجم زادت من غموض الإطلالة، وكابًا خضراء لإضفاء لمسة رياضية عصرية كسرت حدة الألوان الداكنة.
أما من حيث الجمال، اعتمدت مكياجًا قويًا ركّز على أحمر شفاه بلون فاقع ينسجم مع درجات التنورة، مع تحديد للعينين بدرجات النود يمنحها مظهرًا واثقًا وجذابًا.
نشرت الإعلامية أسما شريف منير عبر حسابها الرسمي على موقع تبادل الصور والفيديوهات "إنستجرام" رسالة مؤثرة تحدثت فيها عن تجربتها الأولى في مهرجان الجونة السينمائي بالحجاب، وعن التغيرات التي مرت بها خلال عام كامل، مؤكدة أنها أكثر مرة تشعر فيها بالسعادة والرضا.
وقالت أسما في منشورها: "أول مهرجان جونة ليا بالحجاب، وأكتر مرة مبسوطة، السنة اللي فاتت كنت لسه بعمل كونكشنز لعالم تاني، بروح أي توك أو ماستر كلاس تهمني، بقابل ناس، بسمع، بتعلم، بحاول أفتح أي باب يفيد عالم تاني قدّام، السنة دي… كان عندي أمل نطلع كـ team نعمل حاجة ليها معنى، ويفضل الأمل موجود لحد ما فجأة… في 48 ساعة كل حاجة اتغيرت”.
وأضافت موضحة موقفها قبل المشاركة هذا العام: "كنت مقررة إني مش هسافر، خصوصًا إني لسه محجبة، ومعنديش لبس كفاية، ومحضرتش نفسي خالص، بس ربنا بيبعتلك الباب وقت ما تبقى مستعد له من جوه، مش من بره، لما لقيت حد آمن باللي بنعمله، وقالنا «تعالوا السنة دي، هتقدموا حاجة تستاهل»، قلت مش هخلي أي حاجة توقفني. في وقت قليل جدًا قررت أكون هناك، أقدّم حاجة أنا وعمرو عالم تاني، أعرف الناس أكتر على عالم تاني، وأكون نفسي".
وتابعت مؤكدة تطور رحلتها عبر السنوات: "أنا حضرت الجونة كذا مرة، مرة كنت بشتغل ميكاب أرتيست، مرة إنفلونسر، مرة علشان عالم تاني، بس دي أول مرة أحس إني بقدّم نفسي بشكل حقيقي من جوه، وأكتر حاجة فخورة بيها إن كل اللي بيحصل ده بتوفيق من عند ربنا وفجأة، وبمجهودنا وبشغلنا، our team اللي بيساعدني على حلمي كل يوم. أوقات قرار واحد بيغيّر كل حاجة رزق، شكل، شغل، طاقة… كل حاجة بتتحرك في اللحظة اللي بتقرر فيها تبقى صادق مع نفسك وتشتغل من قلبك".
واختتمت أسما منشورها برسالة مؤثرة لجمهورها: "استنوا اللي جاي… أنا في الجونة، مش على red carpet، أنا هنا علشان عالم تاني يكون موجود زي ما يستاهل، وعشان مش ناس كتير عارفه أهمية المهرجان والفرص بره ال red carpet، شكرًا لكل حد صدق، وساعد، وشجع، وشكرًا لنفسي إني كملت، حتى لما كنت فاكرة إني مش هقدر.. بحبكوا".
