سما المصري تكشف حقيقة فيديو الصلاة: يعود لعام 2019 واعتذرت عنه سابقًا
نفت الفنانة سما المصري ما جرى تداوله الأيام القليلة الماضية بعد انتشار صوره وفيديو لها بالحجاب أثناء الصلاة اتهمها الكثيرون بعدها بأنها تبرز جسدها بطريقة غير مباشرة، وذلك عبر منشور نشرته عبر صفحتها الرسمية بموقع التواصل الإجتماعي فيسبوك.
وقالت: "افعلوا ما شئتم فلديكم موعد مع الله.. الصورة دي كانت غلط… أنا ماكنتش عايزة أتكلم في الموضوع دا بس بخلص ذمتي قدام الناس اللي بتحبني، لكن اللي بيكرهوني هم كده كده بيكرهوني، وبالحجاب أو من غير الحجاب بيشتموني".
وتابعت: "الناس اللي بتكرهني عايزة أقولكم ((فلتقل خيرا أو لتصمت)) يمكن ربنا يرحمكم. الفيديو والصورة اللي أنا باصلي فيها واللي عاملين تشيروها وتشتموني وتقولوا إزاي باصلي على الهوا باللبس دا والطريقة دي، فدا فيديو من ٢٠١٩، فعلا كنت لايف والصلاة أذنت وقمت صليت، وعشان ماكنتش أعرف ديني كويس اعتذرت للي حصل لما الناس فهموني أن دا غلط".
وختمت منشورها قائلة: "انتوا بقى بدل ما تشيروا صورتي بالحجاب وتدعموني، بتكدبوا يا كدابين وبتقولوا إن دا فيديو جديد وصور جديدة بعد الحجاب... أقولكم كل لما بتعملوا كده باتمسك بالحجاب، زيدوا كمان، وأنا ربنا وحده اللي معايا، انتوا ماتهمونيش... باخد من حسناتكم، أنا مبسوطة".
زواج سما المصري
وكانت قد أثارت الفنانة سما المصري، جدلًا عبر مواقع التواصل الاجتماعي، بعدما كشفت أن عدد عروض الزواج التي تتلقاها ارتفع بشكل ملحوظ منذ ارتدائها الحجاب.
وكتبت في منشورها عبر حسابها على موقع فيسبوك: "عروض الجواز مني زادت أوي بعد الحجاب… اعمل إيه؟! هل الحجاب بيحليني وبينضفني وبيحلي الناس وبينضفها من جوه كده؟".
وأضافت: "لكل البنات اتحجبوا هتتجوزوا.. ولغير المحجبات ربنا يرزقكم بعرسان حلوة ويهديكم للحجاب، الحجاب دا قمر أوي وأنا حبيته بجد".
