قطوف
حلوة زي الحضن لما يتمنع الكلام
من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع.. هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.
"سمية عبدالمنعم"
حُسن الختام.. حلوة زي التجربة الكاملة حلوة زي البدر في ليلة تمام
تِوصل الشوق بالوَنَس وتصُب في الروح السلام حلوة زي الحضن لما يتمنع الكلام
لو مَس قلبك كفها ينتشي فرحا
كل دي رفرفة..قلبَك ده ولا يمام
يكفيك شر الجميل لو عارف..
ان هو جميل تتهد الدنيا، تميل السما/هو ولا يميل يكفيك شر الجميل لوعارف ان دهبُه رخام ماشي وماسك قلبك من إيدُه
بتعدي ل بعد التلاتين أعوام
والشوق لِبلاب سارح في بلاد روحَك بالليل والشوق زي القمصان الشتوية من غير أكمام أستاذة فِي حَبْك الخطط شاطرة موت في الإرتجال
مايهمهاش مين حبها مايهمهاش لو حد مرة ماحبهاش
على كتفها اتنين مَجَرّة بنت في طعم المَسّرَّة والكلام الشهد سايل ما انتهاش
جهنمية بتوزع الورد ببلاش
نسختها اللطيفة احتوتني نسختها العنيفة إندهاش حقك على قلبي وعلى عيني
حقنا احنا الاتنين ع الدُنيا جايز هيكون فيه حياة تانيه
نرفض فيها اللي تاعبنا ونقرر فيها اللي هيتعاش قل إن الشعر مابيسميش
ف سَمّي وخطي.. واتمشي ودوسي بُساط خطي
طول عمري في عمري المهجور
تَدويني ف خط وأفوِّت خط
انا إيدي نضيفه وقلبي عفيف..
بس بحارب وباحب أسيب قلبي موارب
غيرشي الغَزل اللي غواني إزاي بدلتي الهَم اللي ملاني
و إزاي قادرة تكوني زي ماعايز بالظبط
انا مليت الرقص ع السلم خلاص مليت البُكا في المكاتيب
مش كل ما يتعاد يوسف يطلع من حظي نصيب الديب
أفرح جدا في ساعات الوَصل
وأخاف وأحزن ساعة ماتغيب
واترعب اكتر كل ما أفكر هاتساب ولا اسيب شعور بائس و مَالوش مُسَمى..
الأزمة تامة
آخر مقعدين في الأَجَل آخر سؤال على عَجَل
آخر قشاط ع الخشب
آخر نفس للأمل
آخر سبب للسبب الحِسبة سامّة والأزمة تامة
ف مالوش مُسمى أكبر مخزون هذيان لِأسير مش مؤمن إن الدنيا حدود وحروب..
وسلاح و دُشَم، وبارود ومدافع ومُحاصرة
لكَ ان تتخيل حجم الحسرة مهزوم مطرود من كل بيوت الكون
مطلوب منه يجيب النصرة
شوفت الكسرة !