رادارات الطرق السريعة تصالح السائقين مع حزام الأمان

بدأت الدولة فى تطوير وتأهيل منظومة الطرق، خلال الفترة الاخيرة وخاصة تطوير الطرق السريعة فى اعمال التوسعة، حيث اهتمت إدارة المرور على مستوى الجمهورية بتركيب الردارات على الطرق السريعه لتقليل نسبة الحوادث والحفاظ على أرواح المواطنين، اضافة الى تحديد سرعة سير السيارات على وتسعى  لنشر الردارات على كل الطرق .

اقرأ أيضا:- 2021برقم اللوحة.. تعرف على رابط الاستعلام عن خدمات المرور

 

واللافت للنظر أن هذا التطوير جاء بنتيجة إيجابية وذلك من خلال التزام المواطنين بربط حزام الامان والسير بالسرعة المقرره للطريق ، وهنا كانت البداية لتغير ثقافة المصريين فى القياده ،والزامهم بعدم التحدث فى الهواتف على الطريق ،وربط حزام الامان باستمرار ، والالتزام بالحارة المرورية، مما قام بدوره فى تقليل حوادث الطرق .

 

ويعد حزام الأمان من أهم تقنيات السلامة المرورية لحل هذه المشكلة، وقد كان له دور بارز في تقليل الوفيات وتخفيف الإصابات.

وقد رصدت بوابة الوفد أراء بعض المواطنين حول ثقافة تعامل المصريين مع حزام الامان ..

قال " احمد" البالغ من العمر 32 عاما سائق ميكروباص "ديمآ مبنحبش نحط حزام الامان اتعودنا على اننا نمشى من غير بنحس انه بيخنقنا، ولكن بيقولوا ديمآ انه امان وفى الاخر لما بتحصل حادثه ربنا هو اللى بيسترها".

وتابع "بدأنا نلتزم فى الاماكن اللى فيها ردارات ولكن بعد ما بنعدى من الردار بنشيل الحزام ، كل سواقيين الميكروباصات فى عداوه بينهم وبين حزام الامان".

وفى سياق متصل، قالت منال البالغة من العمر 28 عاما مهندسة معمارى "انا فى سواقتى عندى طقوس اساسية هى اول ما بركب عربيتى بربط حزام الامان قبل ما اتحرك ، مكنتش مستنيه

الردارات او قوانين المرور تلزمنى ان اربط الحزام او امشى بسرعة الطريق لان ده اول حاجه فى اننا نحافظ على اروحنا واحنا سايقين ، فكرة وجود الكاميرات هتخلى ان سواقين النقل اللى بيعملولنا رعب على الطريق انهم يمشوا بسرعه هاديه لان بخاف امشى على الطريق معاهم ومع سواقين الميكروباصات".

وقال محمود عبد المجيد البالغ من العمر 42 عاما سائق تاكسى "احنا كمصريين لازم كان يحصل ده من زمان لان كنا بنشوف قبل تعديل الطرق وتركيب الردارات مهازل بسبب السواقه بسرعه جنونيه من السواقين ولا كانوا بيلتزموا بسرعه ولا بحزام امان ، وكانوا ديمآ بيتسببوا فى وفاة اسر على الطرق ، ولكن الردارات خالت الناس تلتز لا يتكلموا فى تليفونات وحتى يلبسوا حزام الامان على طول علشان نحافظ على اروحنا وارواح غيرنا ، معلقآ " الالتزام حلو لازم كلنا نلتزم".

 

موضوعات ذات صلة:- 

 

المرور: ضبط 5 ألاف مخالفة مرورية متنوعة

 

2021برقم اللوحة.. تعرف على رابط الاستعلام عن خدمات المرور

إدارة المرور تُعزز وجودها في الشوارع والميادين بالقاهرة

 

 

للمزيد من الأخبار عبر قسم الاخبار من هنا