(شاهد) مها الصغير تروي قصة حب والدها ووالدتها
شاركت الإعلامية مها الصغير، جمهورها قصة حب والدها ووالدتها معبره عن مدى فخرها بهم، وذلك عبر حسابها الرسمي على موقع تبادل الصور والفيديوهات الشهير "إنستجرام".
وكتبت "مها" عبر حسابها قائلة : "في حاجه مهمه اوي عايزه كل العالم يعرفها ، واكيد مش هعرف اكتب الكلام ده تاني.. ابطال القصه دي هم ابي وحياتي كلها واللي يعرفني كويس يعرف ان محمد الصغير مش ابويا بس هو حب عمري".
اقرأ أيضًا.. مها الصغير: الإعلام المصري يتضرر اقتصادياً من كورونا
وأضافت : "والبطله التانيه هي اعظم ست في العالم ملكه العلايلي.. قصه حب عشتها علي مدار كل يوم و كل ثانيه لغايه اللحظه حتي لما اتطلقوا كنت عارفه انه بيحبها و هي بتحبه و عمري ما شفته او شفتها سعيده غير و هي مراته".
وتابعت : "المهم امي اتجوزت ابويا و هي من عائله ارستقراطيه و هو من عائله بسيطه و تحدت اهلها و قطعوها و هو لم يكن معاه سوي ١٠٠ جنيه.. وحصل مشاكل و اتطلقوا من ٢٢ سنه و يوم ما تعب وهو حواليه ناس كتيييييييير اوي (بس في الافراح فقط)".
واستكملت حديثها قائلة : "طلب مني اطلب امي في التليفون و طلب يشوفها وجت له علي
وأضافت : "واصدقاء الابطال في هذا الفيلم الجميل الي شهدوا هذه اللحظه هما انا و اخويا مصطفي و اخويا التاني الدكتور الي مسبنيش لحظه يحيي البستاني، الدنيا اتدربكت و طلب مأذون و جه المأذون جوز ملكه العلايلي Malaka Elalaily لمحمد الصغير Mohamed Alsagheer علي سنه الله ورسوله".
واختتمت حديثها قائلة : "فهذه العظيمه اتجوزته وهو محلتوش حاجه وفي عز ضعفه ورجعت له وهو في عز ضعفه بردو ونام في حضنها وهو مرتاح اوي.. هو الان في امس الحاجه للدعاء لانه في لحظات حرجه اوي اوي اوي، ادعوا له و اسفه اني طولت عليكوا"..