هاشتاج"موتى ياريهام" يتصدر "تويتر"..والبنات: ليه بتكرهينا؟

أثار هجوم الإعلامية ريهام سعيد مقدمة برنامج"صبايا الخير" على سمية طارق المعروفة إعلاميا بـ"فتاة المول" انتقادات وسخرية رواد مواقع التواصل الاجتماعى "فيسبوك" و"تويتر".

ودشن رواد موقع التغريدات العالمي " تويتر" هاشتاجين بعنوان " موتي يا ريهام" و"فتاة المول" لتعاطفهم مع الفتاة واستيائهم من عرض ريهام سعيد لصور لها ببرنامجها، مؤكدين أنها اعتادت فضح بنات مصر من خلال نشر صورهم الخاصة بطرق غير مشروعة.

ودافعت ريهام سعيد خلال حلقة أمس الأربعاء عن نفسها قائلة: "محدش خد موبايلها منها زي ما بتقول، عايزة تطلعي بطلة اطلعي بطلة براحتك، تحبي أعرض الحاجات التانية، فيه حد لو هو سوى يحط صور بالشكل ده، أنا مش هتكلم لأني حلفت إني مش هتكلم عشان عندي بنت".

فقال بلال حمدي: "ده ربنا بيستر انتي تفضحي ليه عرض بنت زي بنتك يعني ربنا

ستر عليها انتي تفضحيها اومال اعمال خير ايه البلد دي مش هتتقدم".

وأضافت شيماء يوسف :"ريهام سعيد هتطلع دلوقتي تقول إن كل اللي في الهاشتاج ده بيغيروا مني ومن حلوتي".

وعبرت كارما محمد عن استيائها من الإعلامية ريهام سعيد قائلة: "عايشة حياتها على التشهير بالناس حتي في مساعدة المرضي بتشهر بالمرضي وأهلهم، عايزة اعرف سر كرهك للبنات؟".

و قالت أميرة عبد الرحمن: "وبعدين يا جماعة احنا بنموت فيها من امبارح ومابيحصلهاش حاجه! انا بقول نجرب نغزها بصليب خشب في قلبها احتمال تطلع مصاص دماء".