بالفيديو.. مرتضى منصور مهددًا: "الراجل يعمل ضدي بلاغ"

واصل المستشار مرتضى منصور، رئيس نادي الزمالك، هجومه على لجنة الحكام، برئاسة جمال الغندور، بعد مباراة الأهلي والمقاولون العرب، التي انتهت بفوز القلعة الحمراء بثلاثة أهداف من دون مقابل.

وقال "منصور"، خلال مداخلة هاتفية مع الإعلامي "خالد الغندور"، ببرنامج "اللعبة الحلوة"، المذاع عبر فضائية "LTC": "جمال الغندور رفض أنه يقول اللاعب قال ايه للحكم، لا حياء في الدين ولا العلم ولا الرياضة".

وتابع: "المسخرة اللي حصلت عند مدحت شلبي في الاستوديو .. ورحمة أمي يا مدحت"، ليقاطعه "الغندور"، قائلاً "والنبي مدخلنيش في مشاكل مع حد، اتكلم انت بس وسيبك من أي أشخاص تانية".

ورد "منصور"، قائلاً: "المتضرر، وراجل يعمل ضدي بلاغ، خلينا نشوف القصة من أولها الحكام مش بس اللي عندهم فجر، لا وكمان الإعلاميين، شوف المندبة اللي عملها سيف زاهر في الحياة، والدفاع المستميت

عن الحكم وقراراته، والمسخرة اللي عند مدحت شلبي".

وأضاف: "الأهلي مش محتاج حد يساعده، لكن جمال الغندور جي ينتقم ويفتري على الزمالك، ولو هو راجل يقول إني كداب، ده شوبير كان عامل مندبة، ليه هو الزمالك ابن البطة السودا ولا يهود مصر".

وتابع "لا يعنيني مين ياخد الدوري الزمالك ولا الأهلي، يعني لو الأهلي خده هتبقى معجزة مثلاً ولا حاجة شاذة .. ورحمة أمي مفيش كاميرا لمدحت شلبي ولا سيف زاهر هتدخل ماتش لنادي الزمالك.. ومستعد ابعت درع الدوري للأهلي من بكره".

شاهد الفيديو كاملا