بالفيديو.. خالد الغندور مهاجمًا شوبير: مرتضى بقى حلو.. والأخير: تفاهات مش هرد عليه

شن الإعلامي خالد الغندور هجومًا حادًا على عدد كبير من الإعلاميين، أبرزهم أحمد شوبير، بسبب استضافتهم للمستشار مرتضى منصور رئيس نادي الزمالك.

وقال "الغندور"، خلال برنامجه "اللعبة الحلوة"، المذاع على فضائية "LTC": "كنت بدخل المستشار مرتضى كل يوم تقريبًا لأنه كان ممنوع ظهوره على الفضائيات، والناس بدأت تضايق من ده وهاجمني المشاهدون والزملاء الإعلاميون".

وأضاف، "ميدو قال إني بهدد استقرار الزمالك بعد مداخلات رئيس النادي وانتقادي لحازم إمام، وده خلاني أتوقف أني أدخل رئيس النادي معايا، حتى معد مع الكابتن شوبير كان بيشتمني، وبعدها لاقيته هو نفسه بيدخل مرتضى منصور مرتين".

وتابع، "بتهاجموني ليه طيب، ما المواقع الزمالكاوية نزلت مهاجمة ميدو لمرتضى منصور وفيديو الرد، يعني انا كنت بهد النادي، طب والمواقع اللى كانت بتهاجمني والاعلاميين اللي كانوا بيهاجموني بيستضفوه دلوقتي، وفي مداخلته مع شوبير قرر إقالة ميدو

وده كان سبب هجومه أصلًا وغضبه".

واستطرد قائلاً: "يعني معد شوبير بيشتمني علشان بدخل مرتضى، ويجي شوبير يدخل رئيس النادي معاه، ده مش معناه غير انكوا أكيد بتغيروا مني او عايزين تاخدوا السبق، مرتضى منصور بقى حلو يا شوبير صح".

ورد "شوبير" خلال برنامجه "مع شوبير"، المذاع على فضائية "صدى البلد"، قائلاً: "البعض بيقولي ان في مذيع بيهاجمني، واضح ان المواضيع اللى عنده قليلة فقال يهاجمني، ولمن احنا قررنا منردش على التفاهات والصغائر، وعلشان احنا مش بنتفرج ولا نتابع ياريت متبعتولناش الأخبار دي".

فيديو 1..

فيديو 2 ..