بالفيديو.. يوسف الحسيني بعد استقبال الرئيس بالسجادة الحمراء: "منافقين أوي"

استنكر الإعلامي يوسف الحسيني، مشهد استقبال الرئيس عبدالفتاح السيسي، في افتتاح مشروع الإسكان الاجتماعي بمدينة 6 أكتوبر.

وقال خلال برنامجه "السادة المحترمون"، المذاع على فضائية "أون تي في": "صورة استقبال الرئيس أثارت حفيظة وغضب الكثيرين، ومش بتكلم عن العربيات خالص".

وأضاف، "اللي كان غريب هو السجاد الأحمر، ودي مش مسئولية الرئيس، لكن ليه اتعملت وعلى أي أساس، سجاد أحمر في كل مكان، مش هقول إهدار ولكن إزاى بتنافقوا كده، حاطين سجاد أحمر في كل مكان، علشان عربيات الرئيس تمشي عليها".

وتابع: "الرئيس لو مشي عليها مفيهاش مشكلة، 100 متر أو 200 متر، لكن كل الطرقات سجاد أحمر ليه، إذا كان الرئيس مش هيمشي عليها، ده مش ملونين الطريق، ده

سجاد، لو كنا بنفس الفلوس دي جبنا بطاطين لخلق الله اللي هتموت من البرد كان هيبقى أحسن".

واستطرد: "ده مش يحاسب عليه الرئيس، ولكن الموظف اللي عمل العملة النكراء دي، والقصة مش كده بس، ولا علشان شكلها عبيط وتافه، لكن علشان أنتوا بتحرجوا الرئيس، لأن لو الصور دي انتشرت في الصحافة العالمية، هتحول الرئيس لديكتاتور، اللي عمل العملة دي لبسنا كلنا في الحيط.. الإخوان هيستغلوا ده ولازم الرئيس يحقق في المشهد".

الفيديو..