بالفيديو.. إيمان عز الدين تنفعل على مدير مستشفى "أم المصريين" وتغلق الهاتف في وجهه

نشبت مشادة كلامية بين الإعلامية إيمان عز الدين، والدكتور عبدالرحمن المهدي، مدير مستشفى "أم المصريين"، بسبب ارتفاع معدلات اختطاف الأطفال بالمستشفى.

وقالت "إيمان"، خلال برنامجها "مفتاح الحياة"، المذاع على فضائية "الحياة": "ممكن أعرف عدد الأطفال اللي اتسجل سرقتهم على مدى آخر 3 سنوات، والرقم موجود عندي بالمحاضر، وهما 63 طفلًا".

ورد مدير المستشفى قائلاً "أنتي جايبة الكلام ده منين ده تهريج.. محصلش"، وعلقت "إيمان": "أنا مش جاية أهرج مع حضرتك وياريت تقولي الرقم الصح".

وأضاف: "هو طفل واحد اتسجل سرقته، مش فاكر أمتى"، وردت قائلة "مش فاكر أزاي

هو محفظة ضاعت".

وتابع: "أنا اللي بقول حضرتك طفل واحد.. وتقوليلي حاضر"، وعلقت غاضبة "أقولك حاضر، أنا مبقولش حاضر لحد، أنت فاهم نفسك غلط على فكرة لا أقولك ولا أقول لغيرك حاضر.. والرقم ده جايبينه من مديرية أمن الجيزة، إدارتك للأمور خطأ وشكرًا خلصت المكالمة على كدة.. إزاى مدير مستشفى يتكلم باللغة دي أنت بتتكلم إزاي"، وأغلقت الهاتف.

الفيديو..