شواكيش
كلام فى العضم!
الحكومة هترّخص الأسعار؟
- متصدقش، دى كدبة إبريل!
< متى يتم خفض أسعار الوقود؟
- أكيد بعد ما نشيل المرارة!
< الحكومة هطبق الحد الأدنى للأجور فى القطاع الخاص؟
- مش سمعك، أنت بتقول: أكفى على الخبر ماجور!
< لاءات الحكومة الثلاث؟
- لا زيادة فى الأسعار، لا زيادة فى الدولار، لا نقص فى التصريحات!
< أسعار الأدوية ولعت ناااار؟
- علشان الغلبان يُصرخ ويدندن: «جبار.. العلاج نااار»!
< متى يبدأ التوقيت الصيفى؟!
- ساعة تروح، وساعة تيجى، وساعة على ما تُفرج!
< الناس متلخبطة فى الإيجار القديم؟
- متلخبطة لخبطيطة، والغلابة محتاسين فى الزيطة!
< حكومتنا الرشيدة عندها قلة دعم؟
- الكلام فى سرك، قلة دولارات!
< موجة حر فى أسواق الغلاء؟
- بلاش لكلكة فى موجات ارتفاع الأسعار!
< نقسى أشترى رُبع كيلو لحمة؟
- لازم تشترك فى جمعية الرفق بالغلبان!
< شعار برامج «التوك شو» عالفضائيات
- إعلام اللى ما يشترى يتفرج!
< أسواق الغلاء طِلعت ع الدائري
- طبعًا، الغلبان هيلف ويُصرخ تاااني!
< فساد المحليات زماااان كان للركُب
- دلوقتى بقى فى «التصالح»!
< أوصفولى شباب البطالة
- على الكافيهات، وشُرب القهوة بالكاسات!
< إرتفاع الأسعار عرض مستمر؟!
- أصلها متعودة داااايمًا!
< الحال الاقتصادى بعد تعويم الجنية
- الدولار بالعد، والجنية بالعداد!
< صرخات المرضى الغلابة
- آآآه..أدفع، فين يوجعك!
< استغاثة عاجلة لوزيرنا الهُمام
- سرعة صرف العيش والحلاوة!
< أغنية الغلابة فى أسواق الغلاء
- نار الأسعار يا حبيبى نار!
< المسلسل اليومى لمعدومى الدخل
- «الصبر فى المجاعات»!
< الدنيا غلاء والعيشة «ضنك»؟
- مين يا غلبان اللى ضنك عليك عيشتك؟!
< إستغاثات الناس الغلابة فى أسواق الغلاء
- حاجة قليلة، تمنع زيادة أسعار كتيرة!
< شعار حكومتنا الرشيدة
- مفيش شعار غيره، «الجوع علينا حق»!
< يا عزيزى كُلنا منسيون؟
- يعنى، أنا وأنت والأسعار ولا حد فاكرنا!
< لحد دلوقى فهمت حاجة؟
- للأسف، محدّش منا فااااهم أى حاجة!
شَوْكَشَة الأسبوع
<< العالم يشهد أسوأ موجات غلاء، وفى أسواقنا «العرض مستمر».. وعجبى عليك يا زمن!