حرام وبتعارض كلام ربنا.. اتهام خطير يورط صناع مسلسل وننسى اللي كان (تفاصيل)
انتقدت الفنانة راندا البحيري أغنية تتر مسلسل وننسى اللي كان للنجمة ياسمين عبد العزيز، وغناء المطربة بوسي، حيث وصفتها بأنها “حرام” فضلًا عن أنها لا تصلح لمشهد النهاية، وذلك خلال منشور عبر حسابها الشخصي بموقع التواصل الإجتماعي الأشهر “فيسبوك”.
راندا البحيري: مش عارفه أغض النظر عن حرمانية أغنية تتر مسلسل وننسى اللي كان
قالت راندا البحيري: “أكبر غلطة وقع فيها صُناع المسلسل او المخرج علي وجه التحديد هي اختيار الاغنيه اللي نزلت علي مشهد النهايه.. اغنية بوسي بتاعت التتر اللي مش عارفه اغض النظر عن ((حرمانيتها)) بس لو غضيت حتي هي مش نافعه لمشهد النهايه”.
وأضافت: “الاغنيه بتقول أنا عندي سؤال أسال ولا بلاش؟ هو إحنا ليه علي اد نيتنا مخدناش؟؟؟ مع أن ربنا سبحانه و تعالي قال في كتابه في سورة الأنفال الآيه ٧٠ ، إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا صدق الله العظيم”.
واستكملت: "و في حديث الرسول عليه الصلاة و السلام … حديث "إنما الأعمال بالنيات" هو حديث صحيح ومجمع على صحته، يعد من أصول الإسلام، أخرجه الإمام البخاري ومسلم في صحيحيهما عن الصحابي عمر بن الخطاب رضي الله عنه، ويؤكد أن قبول الأعمال وجزاءها يعتمد على الإخلاص والنية، سواءً كانت خيرًا أو شرًا".
وأردفت: “ف كده ربنا و رسوله الاتنين قالوا ان الأعمال بالنيات. و الاغنيه بتقول العكس أنا اكيد مش هنا علشان اكفر اللي عملوا الاغنيه يمكن ميقصدوش او يمكن مش متبحرين بالقدر الكافي في الدين ف ده خلي ميزانهم يختل”.
وتابعت: “كل الاحترام ليهم لو ميقصدوش بس للأسف الأثر بيبقي يعني هم ميقصدوش انهم يكتبوا كده و يغنوا كده. بس الأثر ايه؟؟؟ ان الناس هتردد الجمل دي مُغناه بصوت جميل و النفس هتعيش معاه و هتصدقه .. ده غير ان الأشخاص اللي جاهلين بامور دينهم ممكن بالفعل يصدقوا الكلمات دي و يتخيلوا ان النيه مش مهمه و انك مش هتاخد علي قدر نواياك”.
واختتمت راندا البحيري منشورها قائلة: “ربنا يسامحهم لو ميقصدوش و يهديهم لو يقصدوا كل ده كوم. و إن أصلا الاغنيه مش لايقه علي احداث المشهد الأخير ف بجد معرفش نزلت ليه علي النهايه”
أبطال مسلسل وننسى اللي كان
مسلسل وننسى اللي كان يضم نخبة مميزة من النجوم وهم: ياسمين عبد العزيز وكريم فهمي وشيرين رضا، وإنجي كيوان، وخالد سرحان ومنة فضالي، ومحمد لطفي، وإدوارد، وإيمان السيد، وهو من تأليف عمرو محمود ياسين، وإخراج محمد حمدي الخبيري.
قصة مسلسل وننسى اللي كان
وتكشف ياسمين عبد العزيز خبايا وأسرار عالم الشهرة وما يتخلله من أزمات وعلاقات عاطفية متشابكة، حيث تجسد دور فنانة مشهورة تواجه الكثير من الصعوبات التي تحاول التغلب عليها..