على طريقة الخطيب .. هشام نصر: "زعلان على زيزو .. خسر تاريخه"

أكد هشام نصر نائب رئيس نادى الزمالك أنه يشعر بالحزن من أحمد سيد زيزو نجم النادى الاهلى بعد رحيله عن القلعة البيضاء.

وقال هشام نصر الذى يحل ضيفاً على برنامج النجوم في رمضان : " ماليش دعوة بزيزو ، ومش شايفه أصلا ومش هقيم مستواه مع الاهلى ، أنا زعلان عليه لانه هيكسب فلوس سنتين مثلا ولكن خسر تاريخه في الزمالك لانه كان أسطورة ".

ويضيف نائب رئيس نادى الزمالك :"زيزو كان طالب اكتر من 60 مليون جنيه للتجديد للزمالك ومفيش لاعب في مصر يستاهل المبلغ دا، ربنا يسهله هو اختار طريق بعيد عنا ، وشيكابالا دلوقتى الناس كلها بتتصور معاه وشايفاه رمز رغم ان كان عنده أخطاء وهو لاعب بس هو أعظم من لمس الكورة برجله الشمال ، وحب الزمالك واختار يبقى جواه لنهاية العمر مش زي زيزو ، واللى عمله على فكرة مش احتراف".

ويعد تصريح هشام نصر عن زيزو، على غرار تصريح سابق أدلى به محمود الخطيب رئيس الأهلي، عن لاعبي الأحمر الذين انضموا إلى بيراميدز في السنوات الماضية، حيث علق بقوله: “أنا مش زعلان منهم .. أنا زعلان عليهم”.