مش هتنازل عن منع سفر ابني.. محمود حجازي يفضح أكاذيب زوجته بالحقائق
كسر الفنان محمود حجازي صمته بعد القبض عليه جراء أزمته الأخيرة عقب الاتهامات التي يواجهها بشأن بالتعدي على زوجته رنا وفتاة أجنبية ، موجهًا لها رسالة شديدة اللهجة ، وذلك خلال منشور عبر حسابه الشخصي بموقع التواصل الإجتماعي الأشهر “فيسبوك”.
محمود حجازي لزوجته: مهما عملتوا مش هتنازل عن منع سفر ابني
قال محمود حجازي: “احنا منعرفش الخير فين وليه بيحصل كل ده اكيد ربنا ليه حكمه والحقيقه هتبان هتبان و ساعتها هبقي ضامن حقي في الدنيا زي ما ضامن حقي في الاخره”.
وأضاف: “كفاية كدب ده انتوا حتي بتكذبوا في الشهاده العلميه وبتقولوا دكاتره فين طيب الدكتوراه دي وهي كدبه بتحاولوا تداروا بيها عن نقصكم ... انتم فاضيين ولا تعموا غير علي أذيتي وكل من حولي”.
واستكمل: "مهما عملتوا مش هتنازل عن منع_سفر_ابني اللي أنا محروم منه ولحد دلوقتي ابويا وامي لسه ماشفهوش خالص من ساعه ما أتولد وبقي عنده سنه ونص وبقاله في مصر ٥ شهور ".
وأردف: "ربنا موجود وانا أقوى من اي حاجه عشان معايا الحق ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا اصبروا لسه اللي جاي هیشهركوا اکثر رغم كنت ساكت عشان خاطر ابني بس دلوقتي خلاص لازم الدنيا كلها تعرف حقيقتكم زي ما ربنا عارفها"
واختتم محمود حجازي رسالته قائلًا: “اني فوضت امري لله وبجد اللي حصل ده علمني كتير اوي وشكرا لكل حد سال عليا او قال كلمه خير في حقي .. ولكل حد بيتكلم عن الموضوع وكانه عايش معانا وبياكد اتهامات من غير دليل حسبنا الله ونعمه الوكيل لقاءنا قدام ربنا … أنا واثق في ربنا والقضاء المصري وحقي هيرجع بالقانون”.